黃貫中隻手遮茵
2002/06/04－＜３周刊＞ 文：景怡
N年前黃貫中為摯愛朱茵寫《洗衣機》，雖遭傳媒取笑，但誠意可嘉，朱茵
即將推出自己耗資過百萬的廣東唱片，由男友親自監製，黃貫中口出狂言：「與
其俾你o地班友（無料音樂人）o係外面亂咁呃飯食，點解我唔可以做埋o個份，
o係我眼中半隻手就做到呢o的o野，何況佢係我女友！」
從前，黃貫中很抗拒做偶像新人；現時，他的心態變的豁達了。「不管Pop、
偶像歌手都照做！好似新人王嘉明，問佢鍾唔鍾意我做o個首歌，佢話好正兼好聽，
我聽o左好開心，Artist快樂我就快樂！」
朱茵當年的《洗衣機》實在太震撼人心，聽得我毛髮直豎，她的新碟會有類似
的歌曲嗎？「你聽晒所有歌先批評喇（幫女友幫到出晒面）！佢為o左興趣同完成心
願先在出碟，以前佢出o既碟，都唔認同還好，甚至係歌手形象。」
兩年製作朱茵洗底
黃貫中花了兩年才完成女友新碟，試過朱茵錄歌最長一首歌路４個鐘，「比起一些
新人錄５或６個鐘，她不算過分，今次我做監製，只負責找合適o既音樂人幫佢寫歌
（佢歌藝掂唔掂？）。以前佢只聽主流o既o野，我俾o左一大堆佢從冇聽過o既唱片，
要求佢就算唱得唔好，但一定要有Feel，同時從中吸納唔同歌手o既演繹風格。」
阿 Paul要證明撇除他是朱茵男友身份，同樣付出百分百心血，假若唱片賣得，他的
成功感會更大。
新碟《同根》是《黑白》的姊妹作，亦是環球 Hard Sell繼 Beyond當年往非洲寫下歌
頌和平的《 Armani》，如今 Beyond三子再度合作，會不會如外界所說是復合先兆？
「我跟宣明會去緬甸時，o係酒店地２晚已經寫o左呢首歌，咁同當年 Beyond去非洲，
心態係完全唔同o既，o個次去拍寫真同影像，呢次係o係當地將所見所聞有感而發咁
寫低。我也同你講過， Beyond從來冇解散過，何來復合呢？一切都係唱片公司製造
o既 Talking Point。」
「當然知道呢張碟係好掂，我要俾唱片公司老闆睇清楚，今張銷量會係o係一個禮拜
甚至３日內贏上張o既銷量，我唔想將兩張碟擺埋一齊推出，變成和老闆口同鼻拗，
拗到天光都拗唔掂！」
同期灌錄先後推出
阿 Paul感謝唱片公司信任他的能力讓他出碟。「我唔需要玩咁多花巧o野，就係
憑自己實力，我做呢行１０幾２０年o勒，只要做好自己本份，盡晒自己心血，有陣
時係會有o的瑕疵，甚至填詞有o的笨拙，但全部都係自己一手一腳做出o黎，完全係
由我創造o既。」
我認為《黑白》和《同根》能夠二合為一，會是一張完美無缺的唱片，有人說阿Paul
是仿效 Radiohead先後發表 Kid A和 Amnesiac兩張同期灌錄的姊妹作專輯，我倒覺得
是「英雄所見略同」！
「我唔知，亦冇理到，只係好自然將手頭o既所有歌一分為二，原來外國都咁做，證明
我都好正常，正常o既人先會咁諗。如果我將兩張碟合併推出，一定會有o的歌要犧牲，
o依家香港樂壇o既聽歌水準，係唔可能一下子消化晒十幾隻歌。大家可以睇到我放低
把火之後又有柔情一面，唔係更好咩？」
落手落腳歌詞心聲
現時阿 Paul與過往寫歌有啥不同，「歌詞同 Melody會一齊湧，一隊樂隊或 Singer
Song Writer要呈現自己o既風格，一定要自己落手落腳，歌詞好緊要，代表自己o既
心聲，你可以話俾填詞人聽，用美麗o既文字表達出o黎，但係效果會唔同自己寫o既。」
我舉了陳冠希的國語專輯其中一首歌《超速遊戲》為例，其贏在編曲與和聲，但輸在
和聲掩蓋 Vocal，阿 Paul闢釋：「有o的o野始終係要自己 Lnvolve（參與），好像我
同公司十幾人開會，冇人瞭解我o既 Key去到邊，只有自己最識 BPM（Beat Per Minute）
Tempo，能夠準確無誤表達自己o既音閾。」
《駛乜死》是林海峰與黃貫中合作，二人早已拍檔《狂人日記》，阿 Paul最喜歡『識
英雄重英雄』，「林海峰o既歌詞幾鬼馬，其中最出一句係駛乜死，佢話唔介意我修
改佢o既歌詞只要出o黎效果正，呢類人o依家我最鍾意合作。」
其實阿 Paul三張個人專輯，『汗』有份落手落腳，「『汗』o係樂壇可以得到肯定，
但非市場上，因為冇用個名出碟，而每個成員都可以獨當一面，各自推出唱片，我希
望有朝一日用『汗』o既名義出碟，因為我o地好鍾意一齊 Jam歌。」
ꌠ