黃貫中變與不變

 「理想」，在二十一世紀的香港，可能已經等同被淘汰了的古
 典文言。然而，還有人會為了理想而付出心血和努力。到了今
 天，黃貫中仍然追尋他的音樂理想。從組樂隊轉為個人歌手，
 當中有多少地方的不同、作了多少改變？當一個搖滾樂手戀上
 美豔女星，牽引觀眾的目光，成為傳媒追訪的焦點，他又如何
 抵禦這些無形壓力，保持自己的信念不變呢？
>
 這幾年來，黃貫中（阿 Paul）的確經歷很多變遷︰樂隊由四人變
 為三人，再從樂隊改為個人歌手；而阿 Paul 和朱茵的戀情亦是
 大家茶餘飯後的話題，在非樂迷的普羅市民心中，他又是朱茵
 的男朋友。
>
 聲音
>
 音樂是打破國界的語言。和黃貫中的對話，自然由音樂開始。自
 九九年 Beyond 宣布休止時期起， 三位成員分道揚鑣，阿 Paul 率先推
 出他的個人唱片。不過他還是組 織了一隊新樂隊「汗」，似乎他
 和樂隊是分不開的。
>
 「其實個人和夾Band有好大分別，因為以前的決定係由大家一齊做，
  而家則由我決定自己既音樂的上方向。我好享受現場演奏，如果要唱
  MMO（伴唱音樂）的話，就好似同人比武但俾人綁住隻手，唔可以完全
  發揮自己 的長處，我好懷念現場演奏感覺，所以而家得閒就會去尖沙咀
  或者蘭桂坊玩一場。其實初初玩音樂時候，都冇諗過要以音
  樂 口黎 搵錢或作為終生職業。而現場彈奏正好俾我 Keep 住對音樂
  精神同熱誠，亦因此好需要一隊樂隊同我合作。」
>
  誰伴我闖蕩
>
 一直以來 Beyond對於現時本地樂壇（娛樂圈？），都批評過不少，無論你同意與否，
 這就是他們的意見。作個人發展的黃貫中，對這個問題似乎比以前較豁達。早前亦曾
 和蘇永康合作過，之後又打算找誰再合作呢？
>
 「所有香港音樂人。先撇開話我鍾唔鍾意佢音樂或佢係乜類型歌手，只要佢認為
  阿 Paul 可以同佢做音樂，只要佢信得過我就可以。我唔理佢係唔係偶像派歌手、
 係新人或者舊人。雖然我音樂同佢會唔同，但只要佢對我有一個信任，以我方
 向認為佢要唱點樣風格歌，對我講都係一個學習。其實我同謝霆鋒都監製過一
 隻歌《所有人是傻》，不過比較低調冇做宣傳，所以冇乜人知。」
>
香港一定得
>
 在新大碟中，有幾首歌的歌詞很富批判性，例如「香港一定得」、「丟假」、
「乜Q報章」，對社會政府以至傳媒都「鬧到出面」，火仍未熄。
>
 其實我以前都有鬧，不過基於好多市場壓力，所以當時只係用情歌或剛陽歌去宣
 傳。到今次無乜商業考慮，所以去得放。其實我可以去得再盡，不過都要稍為保
 留，俾歌迷消化一下。」
「而且係九七前後，社會上有好多轉變，可以講的題材多好多。」
（你會唔會再多行一步，身體力行去參政呢？）
>
「我唔會亦冇資格從政，因為我覺得政治好烏糟，我唔會掂佢。好似話我會覺得立法
 會人唔係好人。當然，裡面亦有我欣賞的人，但有唔少都好不知所謂，所以即使將
 來有資格亦唔會從政。」
>
「我都係負資產，但都唔支持政府去托樓市，我諗好簡單：點解個個有樓住唔好？
 點解政府唔去照顧大多數未有樓等上車的一群？可能我唔知中間技術性問題，雖然
 我都係受害人，蝕好多錢，但係如果人淨係將樓買買賣賣就可以賺到幾億、幾千萬，
 到時香港個個都唔使做不事生產喇！」 說到社會不公，阿 Paul 的火又來了。
>
 教壞細路
>
 自從 LMF 出現之後，輿論都將粗口歌對年青人的影響作為一個熱門話題。黃貫中
 又和 LMF 有密切的關係，今次請他們合作一首「香港一定得」，更有一個粗口版本，
 便有人指有「教壞細路」之嫌。
>
 「教壞細路？我唔會力抗我冇教壞細路！凡親嫖、賭、飲、蕩、吹都係教壞細路
 講粗口梗係教壞細路。不過唔係強迫你一定要聽，你有得揀！再者全隻碟，粗口
 成份都佔唔到十分一，究竟去 Judge（審判）我人，有冇聽過我其他歌先？係
 冇！點解只針對個幾個字。」
>
「就藝術層面講，我唔認為藝術要負上道德責任，唔應該被所謂『道德』局限住。
 當要寫一個戲劇，如果就住呢樣就住樣，咁就唔使創作啦，作歌亦一樣。我諗最重
 要係教曉年青人點樣去分辨好同壞。我都係一個記者，只不過係以音樂去記
 錄社會實況的記者。」
>
  原來黃貫中和我是行家呢！
>
 無得比
>
 談到年青人，就談到黃貫中對下一代的教育，但還未談到他和朱茵的戀情。對於
 這個你我最關心的新聞，阿 Paul 反而覺得一切都是很自然，沒有什麼特別。
 多個巧合湊合在一起，組成一段搖滾巨星和靚女明星的戀曲。但當阿 Paul 聽到
「搖滾巨星」這個詞之後卻不以為然，以半開玩笑的語氣說：「香港冇搖滾巨星，
 搖滾巨星會隨手打爛支十萬蚊結他。我只係個音樂人，哈哈！」
>
 阿 Paul 和朱茵本是樓上樓下，理應可「近水樓台先得用」，但原來他在知道朱茵住
 在他樓下兩年後，快要搬走之際才正式對她展開追求，以前即使見到面也只寒暄幾句。
>
「有次停車場撞到佢，因為佢車位咁係我隔籬。當時剛剛收工已經成點幾兩點鐘。
 佢（朱茵）問我去唔去食 口野，我諗都冇諗就推佢。其實都有心。」
>
「（點解追到朱茵？）因為我忍到兩年囉！其他男性或者一見到佢就追佢。
  ……其實都係誠意。（怕唔怕追唔到好瘀？）怕？有乜好怕？」
>
 夾Band的人，始終是我行我素。
>
 再見理想
>
 我是 Beyond 的歌迷。當知道同事要跟黃貫中做專訪時，感到十分興奮，我更
「抆衫尾」央求她帶我一起訪問。 阿 Paul 很友善，也很健談，
 特別是當談到音樂時，他更是滔滔不絕。本想這篇訪問只集中寫他和音樂的情誼，
 但當我考慮到，若然 Deep Purple、Black Sabbath、Limp Bizkit
、Radiohead、Mick Karn、Brian Eno、Miles Davis……
 等等名字大量出現在本周刊上，感覺將會是何等突兀。於是，我還得墨在黃貫中和
 朱茵的關係。 是妥協？不是。這只是在適當的時間與地點，做適當的事。 正如，
 在訪問結束後，我才戰戰兢兢的從袋中取出 CD 阿 Paul 簽名，回復我小歌迷的身分。
 我猜阿 Paul也學懂了。