＜107娛樂８通街＞  ２００１年１１月６日

黃貫中勁轟公關公司亂搞噱頭

黃貫中（阿Paul）將於十一月九日起連續三個星期五，巡迴酒吧舉行
「芝華士BarGig——黃貫中2001音樂會」，日前負責這個騷的公關許先生
單方面宣布朱茵會做神秘嘉賓，誰知報道出街後即引起阿Paul和朱茵的極度震怒！

前晚阿Paul演出完「903搖滾森林」音樂會後，被記者問到此事時，即怒火中燒，
連聲大罵：「我個音樂會冇神秘嘉賓，第二公司（公關）講唔係事實，拖到唔關
事人，好卑鄙，想側側膊，我女友（朱茵）經理人公司會採取法律行動追究。
（對方係咪想搞噱頭呀？）唔理佢係乜都好，總之我黃貫中話冇咁事，我黃貫中
唔使搞咁多噱頭，我噱頭就係音樂！」

阿Paul愈鬧愈激，嬲到七孔生地說：「我好嬲，甚至唔想做呢個騷，總之我唔識
個許先生，一無關人幫我主意，簡直不知所謂；其實我根本唔知乜事，當女友經
理人公司打問我，我都i晒頭，好尷尬，困擾好大，講我唔緊要，講到唔關事人就
好大問題。」

而朱茵方面，她的經理人公司表示：「件事已經交俾律師處理，根本冇人請過朱茵
做嘉賓，我亦都冇應承過，呢個係錯誤訊息，我唔希望朱茵Fans以為佢甩底，破壞
佢名譽。」至於負責這個音樂會宣傳的許先生就解釋：「今次係一場誤會，唔好意
思，我唔係想阿Paul加朱茵情侶檔做宣傳，當初只係輕輕講過請阿Paul好朋友，未
落實我都唔應該講出，對Artist唔公平，希望唔會影響阿Paul演出心情。」