２０００年９月３日

世榮表示未到時機重組Beyond

Rave Party已經成為好多年青人鍾意去o既地方，今日係商台舉辦節目中見到
世榮，記者就問世榮有無興趣落Rave Party，他直接回答記者話，他無興趣落
，有都係同朋友一齊落去傾下偈。

記者再問世榮近期有無其他工作呀！他滔滔不絕話，他近期同克勤、阿Paul有
首新歌，已經出左街歌詞亦都好有趣。

　　記者又問你咁快同阿Paul合作，會唔會意味住Beyond會在不久將來再組埋
一齊呢？他解釋話阿Paul都係環球唱片公司既人，好順利成章就會幫下手，叫
記者們唔需要太敏感，並講現在阿Paul，同家強都各有各忙，所以Beyond唔會
咁快再一齊出歌。

接著記者再問，你除左同克勤合作外，再有無同其他歌手合作，他即答話他將
會在9月中出首新歌，到時會同阿Mark(雷頌德)合作，這個配搭係一個新嘗試，
亦都希望畀觀眾一個新鮮感。

　　講完公事，記者梗係會八卦下世榮既私事啦！記者問他何時可以改口叫他
的女朋友做葉太呀，他以一慣嚴肅樣子答話，未到適當時候結婚，現在工作至
上，如果到適當時候，我一定會通知大家，多謝大家關心。