生果周刊 2001\9\24
一個人的葉世榮
葉世榮, 一個大家熟識的名字。Beyond葉世榮，鼓手葉世榮，Band友葉世榮，
靚仔葉世榮....聽慣聽熟，絕無驚訝。對十多年前開始夾Band就是玩Beyondꄊm金屬狂人》的筆者來說,就是怎也接受不了《歌手葉世榮》這個稱號!不過無論如何,
Beyond三子獨立發展後的葉世榮,剛以一個歌手的姿勢推出了新碟《美麗的時光機器》
，姑勿論大家對其歌喉認同與否,也不得不承認,這個狂人鼓手的確決意要站出來,嘗嘗
獨當一面的歌手滋味!?
原來一個人做真係慢o的!
2001年1月1日,Beyond三子開始獨立發展。世榮由鼓手變成教鼓亞Sir，同時亦替各
大唱片公司寫歌，又試試當古倩敏，Tat Flip樂隊的經理人，替他們做了不少推廣
方面的工作。除此之外，還有參與電影，電視劇的拍攝工作。整體而言，據世榮的
說法，去年全年大部分時間都是替別人工作。
今年就唔同啦！我將所有的精神，時間放在自己身上。八月中推出左自己的第一張唱片
之後，依家已經開緊工做緊我下一張唱片。雖然新唱片的宣傳工作仍在進行中，其實已
經開始錄緊下一張唱片的歌！因為一個人做音樂唔同以前，幾兄弟坐埋傾傾下就會傾到
野，大家一齊做音樂當然快好多。以前一兩日做到一隻歌，依家一個人做變左一兩個星
期先做到。人多好做事，一個人做原來真係會慢些！
一個人一對手，當然不可能與四個人，三個人工作時的效率比較。世榮為了不想歌迷們
等成年才聽到自己的新歌，所以決定加快手腳，快快開始新唱片的工作。
世榮音樂
以前幾個人你一言我一語，好容易就做了一隻音樂出來。現在只有一個人，由頭到尾
一手一腳創作音樂，時間，當然是加倍了，不過世榮卻真真正正找到了屬於自己的音樂。
以前音樂的題材，都係在大家聽到的新聞呀，睇過一套戲呀，朋友遇到的經歷呀咁，幾
個人閒談之中傾下傾下就會撞到些火花出來！依家就唔，好多時的題材都係在好靜的情
況下，自己慢慢諗,跟住就寫低佢，然後再變成音樂。呢個過程需要的時間係以前幾倍
以上，不過出來的就真真屬於我，所有音樂都係真正屬於世榮！
黃貫中出唱片自己唱理所當然，沒有反對沒人驚訝。不過對在Beyond時一直都是鼓手，
而且一向都沉默低調的世榮來說，獨立發展出唱片大家都期望會是一張純音樂作品，好
難想像世榮真會當起歌手來！
我打鼓都打左好多年啦，想話做一些另外的野去滿足下自己。因為我其實都幾鍾意試新
野，如果唔係之前都唔會簽eolasia.com網站啦！所以希望可以試下自己利用返自己把
聲，自己的感情，去演繹番自己創作的歌。當歌手的感覺怎樣？感覺好唔同！做音樂就
好似起樓咁，鼓同埋bass的合作，就等於一楝大廈的地基咁，而結他呀，琴呀咁就好似
室內裝修咁，係一些面層的野，令到佢靚的野，而唱歌當然就更加表面。就算你地基打
得幾好，如果起出來楝大廈歪的，都係唔掂的！
話雖如此，但有聽過世榮新碟《美麗的時光機器》的朋友，對其唱歌部分的表現大都不
敢恭維！世榮自己又有何回應呢？
以前我唔鍾意唱歌，不過因為Beyond時期都要負責和音部分，為左可以表現得好些，
所以迫住跟歌唱老師學唱歌，點知一學之下就發覺自己愛上左呢樣野，個過程都幾得
意！而我依家就係用番以前老師教我的方法去唱，不過可能暫時仲未搵到一個真正屬
於自己的方法，變左唱片出來俾人的感覺起伏好大，有些歌可能唔錯但有些就會好奇
怪。依家對我來講仲係一個探索階端，我會繼續努力去找一條屬於自己的路！
人腦合一
一直都是一個正宗Band友，與Band Sound結下不解緣，但世榮卻對電腦音樂情有獨鍾，
而且更有自己一套見解。
其實就等於一個廚師，你想碟送咩味，咸o的定淡o的一樣。音樂係一樣好闊的東西，
我唔會特別去講用電腦有乜好處呀，人彈又點好。我做音樂會拿佢地最好的東西，好
似用好的電腦效果，去配人性化的聲音，好似結他呀，人聲呀咁。依家廿一世紀的音
樂係一個mixture，在外國你會聽到就算一些好accoustic的音樂，都會加一些
electronic的聲入去，又或者一些好computer的音樂， 中間又會加一把古典的女仔聲
入去！
就好似做節奏咁，我都會用midi來做，唔一定打真鼓！Midi做出來的聲，同傳統鼓聲
有好大分別，其實可以話係一種怪聲，係有節奏的怪聲，其實個趣味性好強！但係我
又可以將自己打的真鼓節奏，錄入電腦再改佢地的frequency呀，wave呀咁，將佢地改
頭換面，剪剪接接，再加些effect，又係好好玩！電腦加真o野，或者真o野加入電腦，
其實係一個做音樂好有趣的題材。
後記：
能夠跟世榮做訪問，對筆者來說確是一件難忘的事！十幾年前夾Band就是玩Beyond的
歌，到世榮坐在自己面前說話，感覺是有點迷幻，也有點遺憾！雖從未跟四個人，三
個人的Beyond接近過，可幸的是，跟一個人的葉世榮傾談，感覺仍是那麼的Beyond。
我做音樂從來唔理人，自己想點就點！心目中永遠的狂人鼓手世榮說的一句話，好
Beyond!
感謝香港朋友terry特別E-mail給我