葉世榮：偶像歌手得個樣
葉 世 榮 在 「 二 樓 後 座 」 的 錄 音 室 內 宣 布，明 年 他 會 與 黃 家 強
及 黃 貫 中 在 舞 台 上 重 聚 ， 對 B e y o n d 樂 迷 來 說 ， 這 是 一 個
極 大 的 喜 訊 ， 除 可 以 重 溫 昔 日 經 典 金 曲 外 ， 更 可 以 再 次 近
距 離 與 偶 像 接 觸 。
Band壇老大哥葉世榮，不會因為有了名氣，而在樂壇混飯吃。
自前年Beyond三子決定作獨立發展後， 久不久會傳出Beyond復合的消息，但都遭到
葉世榮、黃家強及黃貫中否認，令歌迷大失所望。但日前世榮接受《太陽報》訪問時，
竟爆了一句：「2003年係Beyond舉行演唱會o既好時機！」因為明年是樂隊成立二十周
年的大日子，還有是黃家駒逝世的第十個年頭。
世榮說︰「我想澄清Beyond冇簽到任何一間唱片公司，不過出年的確係開音樂會o既好
時機，我o地三個都有呢個構思，不過最終開唔開得成，就要睇瑶搵唔搵到一間合適o既
公司幫手搞！」
Beyond約滿滾石唱片公司時，盛傳被拖欠數百萬元唱片分紅，問世榮是否因為這次經歷
，令三子失去信心，他說︰「我o地要搵一間真係有誠意，肯落力幫我o地做宣傳，唔好
有頭威，冇尾陣o既公司。其實我o地依家都有o的心水，不過唔講得住。」
三子無意出碟
原來以前他們所屬的唱片公司，管理層曾出現了嚴重的溝通問題，影響了樂隊的宣傳計
畫，令三子感到極度不滿，世榮續說︰「又唔關音樂事，結果由我o地承擔，好唔公平
o者！」 雖然Beyond有意舉行音樂會，但他們因政治因素而不會推出新唱片，世榮說︰
「出唱片唔同開演唱會，出唱片要有唱片公司配合，我o地三個依家又唔同公司，好難
o既！開演唱會幾易呀！聽日開都得啦！」
不屑冇料扮彈結他
世榮覺得拍戲可以令他擴闊視野。
一直以來，Band壇中人都有很多控訴。世榮這位Band壇老大哥經歷了那麼多風浪後，
雖然早已看透這個香港樂壇，但依然語帶無奈地說︰「香港樂壇不嬲都係咁，我唔望
佢會有轉變，總之自己做好本分就算。」
以前Band仔予人壞孩子感覺，現在剛好相反，獨立歌手的形象竟有過之而無不及。對此
，世榮竟說了一番出乎意料之外的話︰「真理終於出o黎喇！其實Band仔邊有時間學壞
呀！成日都掛住o係Band房練歌，你覺得依家o的歌手壞，可能因為佢o地Casual o的，
真我o的係好o的o既，如果唔係，抬到自己高高在上，乜料o者！」
對於這個重視包裝多於實力的樂壇，世榮雖然口說不期望有所改變，其實心底仍存在
很多不滿，甚至是不屑，他語帶雙關地說︰「有o的歌手唱偶像情歌，畀個假象人o地，
私底下就做盡壞事。如果一個歌手淨係識得扮靚、一味講包裝，冇意思o架！（不過有好
多歌迷就係鍾意聽呢類型o既情歌！）市場上係有好多少男少女鍾意聽呢o的畀人想o既歌
，其實都冇壞o既，我唔批評人o地o既事，唔通一個偶像歌手會去彈結他咩？（有o架！）
有！但係心照啦！我好欣賞何韻詩同盧巧音，不過有o的偶像歌手淨係識得用手握住個結
他，一睇就知唔識彈啦！」
歌手理應會非常愛惜自己的結他，但近期竟有些人演出掟結他。問世榮會否覺得這些人
根本就毫不愛惜這支「拍檔」時，他幽默地說︰「掟結他六十年代先興o架喎！不過我諗
都係表演形式o者！冇壞o既！不過我建議佢疉下次唔好掟結他喇！可以選擇掟炮仗，掟
錢都好呀！」
拍戲有助音樂創作
世榮與日籍女友拍拖多年，感情穩固，但他因為工作太忙，暫未能與愛侶結婚。
當Beyond三子決定作獨立發展後，世榮除繼續為其歌唱事業努力外，還參與過不少電影
演出。早前黃貫中坦言當獨立歌手後仍未賺過一毛錢；問世榮是否因有相同問題，才努
力拍電影，他說︰「我生活好簡單，用錢方面係應使則使，出唱片係好大o既投資，我希
望將來可以有回報，雖然我依家唔係賺好多錢，不過都穩打穩紮啦！」 至於拍電影是否
為求收入穩定，世榮說︰「 唔係！不過我依家開始鍾意拍電影，我拍戲只屬於玩票性質
，唔似得唱歌o既時候咁有壓力；而且拍戲時候可以多o的機會去接觸唔同o既人，對我o既
創作會有更大幫助﹗ 」
忙於工作婚期未定
眾所周知，世榮跟日本籍圈外女朋友已拍拖多年，感情非常穩定，數年前更傳出二人即
將結婚的喜訊，但最終仍未拉埋天窗，世榮尷尬地說︰「我同依家呢個女朋友o係埋一齊
已經好多年，感情好穩定，佢亦係我o既結婚對象，不過我仲未結婚。（爸爸冇催你結婚
咩？）佢催o左十幾年啦！其實我未結婚係因為我依家做o野要四圍走，未有時間。」
至於何時才是適當結婚時間，世榮說︰「我想將來可以有多o的時間陪老婆先結婚，或者
出年，或者後年，我都未知o架！」
後記︰Band壇大哥變佛教徒
從細到大都喜歡搖滾音樂的世榮，原來是個佛臈徒。在Band房的通道旁，他還貼了一篇
從西安「扶風法門寺」取回來的《勸世文》。十多年前，世榮在一個偶然機會下與佛結
緣，當時年少氣盛的他，在看過佛經後，心境便自然地平靜下來，及後更成為虔誠的佛
臈徒。
■撰文︰孫慧莊 ■攝影：伍鎮暉
狂熱之城