ｂｅｙｏｎｄ：「我地活動休止兩年」。

要形容一隊樂隊成員個別發展，等大家有弔至出碟開演唱會，通常可以說要「暫別樂壇」

，文藝點形容是「進尋個人理想、暫且分開」，入肉而有前科可據，可以引用Luna Sea的

「活動休止」！

舉行過年尾演唱會後，Beyond就正式進入「活動休止」，之前兩年內大家都不會聽到

Beyond演出，出唱片更不消提。

當然，家強一句：「Beyond絕對唔會解散！」可能令大家立刻收聲，學阿Paul話齋，

一隊夾了１８年的Band，今日各自出為樂壇出力，都有必要問過大家。怎樣詮譯「活動

休止」是閣下的事，但係達明一派解散１０年後都行得埋的話，「活動休止」同解散都

可以係一線之差。

家強：「其實你地班記者都係想問我地係咪散者～」

　　　「我可以話你地聽，我係就一定唔會散，但係各自做野就要，係一定要添！」

　　　「如果每樣野都要３個人一齊先做到，即係等於冇長大到，冇學到獨立能力。」

　　　「我地大家試下自己去處理下一件事，呢個係成長0既過程。」

　　　「每一隊樂隊，到某一個年紀、時間，每人都可獨當一面係好重要，好似

       Genesis 同好多樂隊0甘，  呢件係必然0既事 。」

　　　「可能我地三個人分開做野，做完後三個人又走埋一齊，出番一隻Beyond　

        0既唱片，對一隊樂隊0既成長歷程黎，好理所當然」

　　　「Beyond係舊年尾演唱會之後，可能２至３年至出一隻碟，演唱會自然會３

       至４年至舉行一次。」


阿Paul:「對一隊玩左１８年既樂隊黎講，可以容許做下自己野掛．．．之前我地已經

        一年出一隻碟，依家仲唔可能做下其他野呀！？唔通要丟到老左，先開始做自

        己野咩？」「我地３個跟住做野都會圍繞住音樂，樂觀0的睇，以前就好希望以

        「Beyond」呢個單位去影響樂壇，但係而家除左「Beyond」之外，仲可以將佢

        拆散，用唔同角度入侵樂壇，希望影響力發揮得遠0的，係積@極0既。並唔係

        因為搵唔到食，餚老襯而去做。」「一個人去做一樣新野，就唔使背住Beyond

        呢個包袱。玩群體合作，一個人0既Idea係唔代表大家，當個人想試0的新野，

        呢樣就可能會衰，我唔想要大家一齊去承擔呢個風險」

　　　「想似番以前最初出第一隻碟－－唔係因為時間表，而係因為隻碟可以出」

　　　「唔希望Beyond係一樣維持生活0既0野，唔會再介意係２年定係３年先出一隻碟

      ，唔使受呢個壓力，要保證出品係正0既！」

　　　「自問．．．即係唔係話串丫．．．我地夾左１８年Band出左甘幾隻碟，都唔著

       手去做呢類幕後工作，仲期望邊個去做喎？」

　　　「而家Beyond幫Tat Flip做緊唱片，二樓後座呢度呀，黎緊會生產好多關於音樂

       0既野出黎，一定會。」


世榮：「如果每樣野都３個人去一齊做的話，我諗冇咁多時間。」

　　「個人做Project唔多唔少會累樍到經驗，如果將佢地用番係Beyond，會係件好事。」

　　「呢次"Good Time"唱片係舊唱片公司舊約裏面最後一隻大碟，不過就一定要會係

       限制要幾耐出一隻唱片0既合約。」


                      以上內容係取自"東Touch"