SUN娛樂…本地娛樂
重金羅致家強 積極聯絡世榮 環球密謀重組Beyond安撫黃貫中
文： 金 鑫 03/05/2002
黃貫中早前曾炮轟環球宣傳新碟欠積極，雙方關係不睦。但原來黃貫中在
環球心目中仍然有價有市，因為環球已重金羅致黃家強，並積極聯絡葉世榮，
密謀打友情牌安撫黃貫中，進行其重組Beyond大計。
當年Beyond風頭一時無兩，雖然黃家駒不幸逝世，但無減Beyond魅力，每有新碟
推出，依然非常暢銷，但隨著年多前約滿滾石唱片後，三子決定各自發展，令歌
迷望穿秋水，仍未見他們再度合作！
環球附屬的新藝寶唱片，擁有不少Beyond全盛時期的歌曲版權，當然不會放過大
好機會，目前黃貫中已是環球旗下，雖然他在最近曾公開炮轟環球宣傳其新碟欠
積極，雙方關係欠佳。然而環球看準Beyond的市場潛力，近日以重金打動黃家強，
簽約加盟旗下，並派人接觸葉世榮，希望利用兩人打出友情牌以安撫黃貫中，改
善彼此關係，進行其重組Beyond大計。
《同根》為重組熱身
其實黃貫中早前推出的新碟內的新歌《同根》，除由黃貫中主唱外，還請來舊隊
友黃家強負責彈低音結他，而葉世榮則負責敲擊打鼓部分，作為重組前的熱身。
環球唱片高級副總裁朱國禎說：「我地最近係簽左家強，但重唔重組Beyond要睇
情況發展，睇佢地三個人既心態，我地冇得逼佢地，不過一定唔會係今年既事！
（聯絡葉世榮？）暫時未，（《同根》係熱身？）《同根》呢次合作係黃貫中諗出黎，
佢疉好多年前去埃塞俄比亞既時候作左首《Armani》，《同根》係延續篇，所以搵埋
兩個好兄弟合作，佢咁做我地公司一定唔反對架！」
記者昨日就黃家強簽環球一事聯絡黃貫中，但他說：「我唔可以代表家強講任何野，
我未聽過呢個重組Beyond既消息。」
據知黃貫中與環球的合約在年底才滿，但他似乎對環球仍有芥蒂，對重組一事有保留。
太陽報