＜壹周刊＞－豪語錄　１９９９年１月２７日

Beyond垃圾

Beyond出道十五年，位位年過三十，說話仍然一貫高姿態，當他們後生仔，這一套
可說是憤世疾俗，三張幾未免有點老頑固。

　　「我肯定Beyond收埋五年地位依然無人可取替。」阿Paul氣焰囂張地說。

當大家仍然覺得Beyond音樂有太多商業味道時，他們過往至今都是說「市道唔接受」
、「間公司垃圾」、「因為無家駒要重新再打仗」……初初聽會覺得個天無俾機會
呢種後生仔，轉眼十數年，究竟真係咁黑仔，還是一個四季皆宜的藉口？

　　責任誰屬的情況有點像新機場大混亂的意外，為了向公眾交待總要推幾個
「茂四」出做箭靶。

「需要對人時對人，需要對事時對事。」廢話一句，講衰過唔講。

　　究竟Beyond再過幾年，仲有咩藉口，有邊條「茂四」可以再做箭靶。

　　頑固照舊，大氣候唔受，明知道部升降機按groundfloor就係商業大晒，
點解唔落番basement繼續underground，好過沒完沒了怨天怨地。