出洋相

　　黃家強說五年來沒有到過日本，也沒有參與過任何遊戲節目，但有意玩
《超級無敵獎門人》，因為有禮物亦無須出洋相，從前做新人在鏡頭前扮鬼扮馬所
以得來成尺厚的面皮，今日感覺好命。

　　可能細個唔知醜，覺得好玩。記得有次要我跳連步舞彎腰飲牛奶，之後到世榮
接力去踩一大箱橙，好難頂，但新人就要做。

　　家駒頭一年生忌，我上《歡樂今宵》講足球，尊重問題囉！你認為咁好笑咩。

　　八十年代無論真假都有好多組合出現，而家唔見晒，曾經諗過簽Band，但發
現香港Band都幾自我，根本唔恨你幫，無野心想紅完全唔恨要。

　　佢多數玩好鬼佬音樂，有粗口要大家聽到烚烚，但肯定嚇親人囉！我當年伊利
沙伯體育館打爛支結他都列入黑名單，而家仲係咪？我諗Beyond唔使去伊館唱！

　　Beyond好明白香港市場需要咩音樂，我咪盡量降低個level，所以衝出亞洲理想
好渺茫，香港market都咁困難，點可以顧前又顧後，公司又亂，又受人二分四，一
張碟十二首歌，可以爭取兩首歌我鍾意再加一首純音樂，你知唔知爭取幾耐。