小組

　　葉世榮算是Beyond中最溫和的一個，不用拍照便坐埋一二邊睇雜誌，講到拍
電影，雖然個人名義接拍的處男作成為98年最差十大票房，但大無畏的葉先生說
：「我又唔係有心進軍電影界，過癮興趣小組！」

　　好想搞國內巡迴演唱會，要liveband，好過你做100個interview，又有歡呼聲，
香港就唔得，唔通香港巡迴去九龍之後到新界咩！
ꄊBeyond都算搵到錢，但肯定唔會o達，想發達唔好夾band，俾心機讀書做醫生做律師。
我係屋企經濟支柱，父母退休要我養，好在兩個妹妹都自立，辛苦！理想同錢無
平衡點。

　　女朋友同一般人一樣唔會太熱愛音樂，但係我全程投入佢都無意見，通宵band
房練歌佢無話我唔陪佢。

　　我唔知佢係咪欣賞我音樂才華而鍾意我，只知好自然就一齊，希望將來結婚多
時間放家庭，唔使又練歌又出埠，得閒釣魚幾好呀！不過香港而家無好魚釣。

　　公司成日安排我去台灣唔緊要，地方大做巡迴感覺好好，但香港係我長大地方
，點解香港無宣傳！香港做音樂都舒服，有種情懷度。