BeyondFans豪語錄

　　這班廿來歲的fans們，十多歲聽Beyond，玩Beyond的音樂，買Beyond成員用的結
他，男仔之家也儲Beyond的紙報甚至排隊簽名，當中有師範學院快將畢業的
準教師、有醫生亦有白領，希望借記者把口問偶像問題，可惜無一個肯出鏡，
原因係怕老師鬧，將來俾學生笑，阿媽唔放過佢等等。

Fans問：你成日唔出無理我，一係出對我咁惡，有冇理過Fans感受？

家強曰：Sorry囉！公司事唔到我控制，我都覺得好奇怪！最好問公司。
Paul曰：走啦！我用音樂理你！唔通抱住你搖咩！
世榮曰：我唔係band房就係外埠，係支持我咪買我碟，睇我音樂會囉！不過真係
        好似好耐冇fansclub聚會，等我返去check先。

Fans問：點解Beyond歌仲係咁商業？

家強曰：身不由己！初初四個一齊打仗見到成績，剩番三個場仗又要打過，
        第一步一定要由商業開始，重新建立過。
Paul曰：叫公司唔好再俾唔識人加隻手埋搞咁多，成日用自己標
        準去衡量，一廂情願要你去做，有咩計呀！
世榮曰：公司要求你首歌派到台就得，合潮流喎！

Fans問：幾時開十五周年演唱會呀？

家強曰：唔知呀！公司無指示。
Paul曰：唔講，費事講出公司唔做我又俾fans鬧。
世榮曰：公司安排緊，2-3月。

Fans問：你幾時結婚呀？我班fans唔會介意！

家強曰：唔知呀！屋企都無逼。
Paul曰：唔知呀！
世榮曰：四十歲前啦！話唔定明年！

Fans問：點解阿Paul你三十幾歲先搞緋聞呀？

家強曰：哈哈哈，阿Paul問你！
Paul曰：女又話拍拖，男又話搞基，一班人又話我集體性戲，同表妹出街咁點。
世榮曰：都係傳媒亂寫！你唔寫邊會有呢！不……不過我唔係話緊你。

（……）