黃 家 強 　 搵 錢 　

搵 錢 ， 搵 錢 好 緊 要 ， 人 大 個 o左 心 態 唔 同 ，我 呢 一 刻 心 態 有
兩 面 ， 第 一 係 做 搵 到 錢 音 樂 ， 第 二 我會 堅 持 音 樂 理 想 。 　 　

我 唔 怕 俾 人 話 我 將 來 會 作 一 好 商 業 味 道 音樂 ， Beyond 過 往 為
迎 合 音 樂 市 場 一 路 都 有 做 ， 將 來 我 都 唔例 外 ， 因 為 香 港 冇
一 間 公 司 可 以 支 持 到 你 去 玩 理 想 音 樂， 所 以 分 開 兩 面 睇 會
舒 服 同 專 注 。 　 　

我 唔 係 貪 錢 ， 只 係 你 俾 到 錢 我 ， 想 我 做 咩歌 都 得 。 例 如 早
排 有 人 搵 我 拍 電 影 ， 劇 本 角 色 價 錢 唔 好， 我 推 ， 但 如 果 將
來 有 片 商 出 好 多 錢 ， 角 色 未 至 於 令 我討 厭 ， 我 會 接 拍 。
如 果 我 冇 錢 我 點 堅 持 我 音 樂 理 想 呢 ？　 　

因 為 將 來 我 希 望 搵 到 o的 錢 開 製 作 公 司 ， 做好 o的 音 樂 ， 簽
一 對 音 樂 有 熱 誠 人 ， 簽 band 、 簽 新 人 ， 我預 回 報 好 低 ， 甚
至 會 蝕 錢 ， 所 以 我 要 努 力 搵 錢 ， 唔 係 點蝕 得 起 ， 無 錢 真 係
做 唔 到 理 想 。 　 　

以 前 Beyond 好 窮 ， 尤 其 未 出 碟 段 時 間 ， 人 工得 二 、 三 千 蚊 ，
又 要 買 結 他 租 band 房 夾 band ， 試 過 捱 麵 包， 為 慳 錢 夜 晚 要 返
屋 企 食 飯 ， 月 尾 淨 得 百 幾 蚊 好 難 捱 ，買 支 結 他 都 要 買 二 手 ，
但 係 好 開 心 。

以 前 唔 夾 band 娛 樂都 唔 使 用 錢 ， 買 個 排 球 公 園 打 餐 飽 但 好 回
味 ， 而 家 個 個大 個 ， 已 經 好 少 一 齊 出 玩 ， 早 排 都 有 租 隻 船
出 海 釣 魚 ，你 知 啦 ， 佢 咁 忙 ， 又 要 拍 拖 ， 哈 ！ 　 　

我 感 情 生 活 ？ 出 面 傳 緋 聞 假 （ 傳 他 與 曾 改藝 名 為 夏 漫 淇 的
甄 楚 倩 ） ！ 你 唔 好 信 呀 ！ 我 唔 鍾 意 高 調去 談 戀 愛 ！ 不 過 無
可 否 認 感 情 生 活 係 要 有 ， 但 係 我 覺 得最 幸 福 事 唔 係 愛 情 ，
而 係 50 、 60 歲 仲 夾 band 彈 結 他 ， 手震 震 都 好 ， 無 fans 睇 都 好
， 自 己 enjoy 已 經 可 以 ， 希 望 到時 我 可 以 做 得 到 。




--------------------------------------------------------------------------------