１９９６年４月６日

Beyond＜最新音樂楂 Fit人＞

吉 隆 坡－６月

太陽高高掛，跟眼前的 Beyond 異常合襯，大家都熱到飛起。
談笑間，己回復以往幽默本色，似笑非笑的樣子總會心 自己講錯說話，
烏雲過後，Beyond再見豔陽天，好 free！

以 什 麼 信 念 去 支 持 再 開 演 唱 會 ？

樂隊若然不能開演唱會，成日話「玩Band玩 Band」，無演唱會又點係Band！
你估係ｘｘ咩！

演 唱 會 中 家 駒 的 歌 曲 如 何 分 配 ？

有些係自己 request 的，也要看歌曲是否適合演繹，兩睇。某些要顧及彈奏，
交給阿Paul唱以彈到又唱到為原則。
我 request唱《命運是你家》，喜歡這首歌，特別想唱。《歲月無聲》就一定
要家強唱，因為阿Paul要結他Solo。
好想唱《誰伴我闖蕩》，可惜效果唔好冇唱，好難唱歌詞又難記，好辛苦。
不是效果差，只是rundown太Full被迫放棄。我也練過《灰色軌跡》，但實在太多歌了，
好難取捨。

是 否 已 毋 須 顧 慮 電 台 反 應 ？

不是！我們做的是 Beyond 的音樂，向電台討意見可以找到市場的共識，無謂自
己喜歡電台卻反應不一，是互相尊重的問題。

沒 有 續 約 TVB 是 你 們 的 意 思 還 是 滾 石 ？

是我們提議而公司support。是否100%好難講，但公司肯接納又冇話做唔到宣傳，
OK冇問題，係全世界意思，不一致的100%。

如 何 評 價 現 今 的 傳 媒 ﹖

傳媒就是傳媒，現在只是傾向於趣味性、娛樂性新聞。以前是報新聞，現在係挖
新聞，甚至虛構新聞。

Beyond 很 介 意 接 受 記 者 訪 問 ﹖

唔介意，好似「呢o的咁樣」都有做。
係冇人同我地聯絡（笑）﹗點解會咁既，Ivy﹖（Ivy 係滾石宣傳經理）相比以前
係少o左，其實公司會挑選適合Beyond 性恪的雜誌去做（訪問），若然做得太多，
訪問的價值會相對減低。

最 討 厭 記 者 問 甚 麼 問 題 ﹖

冇所謂，問得出我們都會答，無論爆炸到點都會有辨法應付，一來我們甚少緋聞，
就算殺埋身都唔驚。

問你有幾多身家囉！

咁 幾 多 身 家 ﹖

阿榮講o下囉，好難答哩﹖阿榮儲埋好多私已錢。（笑笑笑）全部在瑞士銀行，查唔到。
阿榮有好多金埋在新下底。（嘩﹗）

「 樂 勢 力 」有 頭 威、冇 尾 陣 ，你 們 認 為 原 因 何 在 ﹖

哼......唔......He He。
可能轉換了形式，冇話嗌足10年「樂勢力」。電台有自己策略，各有各做。

新 一 代 樂 隊（Anodize﹑Zen﹑Black & Blue﹑Huh....） 無 論 聲 勢 或 創 作 上
也 不 及 上 Beyond，某 至 重 組 的 達 明 一 派 ，他 們 久 缺 甚 麼 ﹖

歷史，時間不由你控制。