《愈寫愈開心》Beyond「玩」音樂

文： 蘇永康 23/09/1999

Beyond係我好敬佩o既樂隊，佢o地由地下走到商業，由商業走到最通俗，由最通俗
走到「自我」，都仍然係咁掂，呢樣真係冇得講！

呢兩年聽Beyondo既訪問，發覺佢o地少o左好多憤怒，多o左好多現實，呢o的係過
o左三十歲o既男人一o的無奈。

近期同阿Paul（黃貫中洋名）合作，佢話畀我聽一o的我做o野以外o既知識，佢話
一隊Band o既靈魂係一間Band房，用o黎聚腳。

佢o地間二樓後座十多年o黎，百分之九十以上o既時間係用o黎玩！打o下機、傾o下
偈、食o下o野咁過，但係一有靈感就可以玩，即刻開機錄歌，好隨意。

我同佢o地唔同，咁多年做音樂都係我同黃尚偉兩個閉門造車，佢o地係玩音樂，真
係「玩」！唔爽就唔做，最緊要有Feel。

阿Paul話佢o地咁多年o黎，錄得最快o的一段結他Solo係《真的愛你》，Jam一次就
去錄，錄o左兩次之後發覺彈唔番o個個Feel，結果用番第一個Take，係最好o既。
呢樣o野令我學到，有時錄歌唔使太雕琢，太過花巧反而失真。

我o地唔好理阿Paul識o左個好Sexy o既女朋友，因為一般Rock友o既女朋友都係好
Sexy，彭美拉個老公都係玩Band，Beyond係少數能夠保持本質o既音樂人，好難得！