組織:FreeForum 自由講場 - http://www.freeforum.org
新聞群組:fans.beyond
Miller 寫道：
岩岩做完份中史剪報既功課，當我cut緊份報紙既時候，赫然發覺我
cut緊果頁既下面出現家駒!
我即刻拿拿臨睇啦，原來係介紹香港寬頻個老闆王維基~
其中有提到佢構思香港寬頻呢個廣告既一D點滴，節錄如下：
「最近在電視頻密出現、地鐵站裏『陣容強大』的香港寬頻廣告，從
分析『究竟是sell速度sell高科技還是sell更感性更人性更touch(感動)
人生既野』……單是『生有限，但願活無限』後面那句『以速度突破生
命』出唔峴，我地都傾左三個鐘，出，又怕太白，唔出，又怕人地唔
明……原本還有一句『無論生命有幾短，都可以一樣精彩』，後來因
為怕觀眾沒了想像空間而作罷。對於為何用『死人』來賣廣告，王維
基有如下的解釋：「我地當時只係諗點樣可以俾人一個比較大既
impact(衝擊)，你見到李小龍三十三歲死，戴安娜三十六歲死，黃家駒
又係三十一歲死，你會諗，三十幾歲係有機會死既，我今年三十八，
或者比佢地已經多左幾年，咁既impact就會大好多……當你再聽到或
看到『生有限，活無限』這六個字，再聽到家駒那首《海闊天空》，
請你想起王維基吧。」
故勿論最尾果句我地認唔認同先，但係當中「你見到李小龍三十三歲
死，戴安娜三十六歲死，黃家駒又係三十一歲死，你會諗，三十幾歲
係有機會死既，我今年三十八，或者比佢地已經多左幾年，咁既
impact就會大好多……」講真，對我黎講真係有好大既impact!
而「無論生命有幾短，都可以一樣精彩」呢一句，就更加令我諗起
《活著便精彩》呢一首歌……
曾話過，我活著便精彩!!!
家駒，你活過就已經很精彩!!!!!!!
我地都要活得精彩!!
I promise you，家駒!!
--
※ 發信站: 批踢踢實業坊(ptt.twbbs.org)
◆ From: 192.192.129.87