1997.8.23 [文匯報]
梁小冰昨日大雨之下，又無男友接送，搭的士又怕塞車，
水浸封路，唯有乘巴士再轉地鐵上班。良久沒有坐過公共
交通工具，又穿得像個雨褸怪客，令地鐵內不少人眼甘甘
，使她尷尬萬分。
最近潘芝莉被劫，連假的后冠也被偷去，十分痛心，問小
冰可有珍藏其多年前港姐后冠？小冰卻不在意道：「我個
冠？唔知去邊，呀！好似我家姐結婚時借畀佢戴；並未還
畀我。是但啦，唔見都冇乜所謂，我唔係一個留戀物件的
人，D往事在心中就得啦。」
談到近年港姐愈來愈出位，與有婦之夫談情還死雞撐飯蓋
不認，小冰笑道：「講開Goodbye kiss，我同家輝初初拍
拖時都試過呀，重畀我老豆在樓下見到，幾瘀呀，不過我
係輕輕吻一陣，冇kiss十幾分鐘，不過我覺得畀老豆見到
，重慘過畀記者影到，好肉酸。」
小冰謂她父母十分開通，老豆馬上裝作看不見上樓，但卻
告訴其母，由其母來叫她女仔人家不要當街當巷親熱，被
人見到不好，問到小冰，母親可有叫她千萬不要蝕底？小
冰面紅耳赤道：「我唔講啦，咁私人，總之阿媽講的，我
會銘記於心，但唔會公諸於世。」
--
☆ Origin: 中央情報局 (cia.twbbs.org.tw) From: tp223-58.dialup.seed.net.tw