頭條日報新聞全文&相關影片:
http://pop.stheadline.com/content.php?vid=19963&cat=f
http://hd.stheadline.com/ent/ent_content.asp…

台灣開Show受歡迎 林奕匡脫離低谷向上攀爬

2015年1月31日

出道5年的林奕匡（Phil）憑《高山低谷》一歌走紅，獲獎無數，就連樂壇天后鄭秀文都
在演唱會中翻唱。Phil挾着人氣跟「小師弟」台灣創作歌手廖文強拍住上，分別在港、台
兩地舉行《新朋友音樂會》。眼見上周六晚台北首站演出成功，fans非常接受他，甚至有
粉絲問能否跟他拍拖？Phil被打了一支至尊版強心針，他戰戰兢兢說：「好期待再下一城
，呢站係主場，對我嚟講更加重要！」

　　《新朋友音樂會》香港站將於2月26日於九展舉行，林奕匡吸收台北站演出經驗，相
信會有更佳發揮。Phil跟師弟演出前先來Crossover預演，由師弟彈結他為師兄伴奏《高
山低谷》，再齊齊合唱。Phil說：「廖文強唔識廣東話，不過佢就靜雞雞學唱我首《高山
低谷》作為見面禮，同佢喺台灣做第一個訪問時，佢竟然將買返嚟嘅唱片代我轉送俾記者
，真係好感動。雖然佢話係我嘅fans，但我覺得其實係惺惺相惜至真，完全係由音樂搭起
友誼橋樑，正如我都欣賞佢首歌《自卑》，因為歌詞好到肉，提示大家要接受自己嘅不足
，但唔好將問題放大，唱起嚟好有感覺。」至於廖文強除了欣賞Phil才華，仲好羨慕Phil
的《高山低谷》唱到街知巷聞，所以當唱片公司將兩人撮合，當然一拍即合。

　　提到台北演唱會，林奕匡表示好難忘，好享受在台上的每一刻，希望之後的演唱會愈
搞愈大型：「當地嘅觀眾好乖，每當唱完一曲先至會吶喊，完騷後大部份觀眾有參與簽唱
環節，我哋足足簽咗幾百個名，最搞笑係簽名時有位女粉絲問我：『可唔可以拍拖？』真
係唔知點答，唯有以笑遮醜！」

　　家陣咁受歡迎，Phil坦承已脫離了低谷，仲形容現階段正努力向上攀爬，有排都未到
高山，未賺到錢幫到家人生活，「不過依家多咗好多朋友支持，好開心識到好多交心嘅朋
友呀。」

　　採訪：方騫平 攝影：譚壹致