日前有報道指原本李玟在今個月十四、十五日在夏威夷舉行的「李玟日」
發表活動，及「Big Wave Honolulu」慈善演唱會，因主辦單位指CoCo與工作
人員未有履行合約辦妥工作簽證，被指毀約及將慈善騷取消，但昨日CoCo的
家姐Nancy親自出面為妹妹討回公道及聲譽，並向記者出示當日雙方所簽合約
，及工作人員早已辦的簽證，以證妹妹絕無毀約，反而負責今次慈善騷兼任
ＣＮＮ主持的Dalton Tanonaka卻未有支付工作人員的訂金酬勞，涉嫌毀約在
先。
欠錢支付費用
Nancy手執合同，勞氣的說：「我根本就無毀約，相反係Dalton毀約在先
，佢同某報記者講今年四月雙方好清楚咁講明合約，達成簽約事，但係我十
一月卅日始正式簽約。佢又話合約訂明由我去負責簽美國工作證，但係簽證
係由主辦機構負責，CoCo係美國籍，根本唔需要搞工作簽證，而班舞蹈藝員
同工作人員就要八千蚊美金搞簽證；因為有成三、四十人，但佢同我講：『
No Money，No Show』，表明自己無咁多錢支付這筆費用，CoCo話明義演就當
然唔收錢啦，但係班工作人員無理由唔收錢。咁CoCo去完夏威夷之後，會飛
去拉斯維加斯登台，邊主辦機構好好，知道有咁事，仲唔介意幫我出埋夏威
夷工作簽證筆錢，而家辦妥晒工作證，佢又話我毀約，基本上佢要簽約當日
將一筆約數萬訂金俾班工作人員，但係直至今個月五日向佢追數，佢不但無
表示，佢根本就連班工作人員份錢都唔想俾，最離譜係佢竟然叫我唔使要舞
蹈藝員，就咁帶盒唱帶過去演出就算，你估唱卡拉ＯＫ咩？過一日之後，就
有報紙報道指CoCo毀約，根本無呢回事。第二日我上網見到仲有公開發售演
唱會門票，擔心會有觀眾受騙，於是再打電話俾佢，但之後就再聯絡唔到佢
，失蹤。」
「李玟日」消失
Nancy並稱相信有人想藉CoCo今次演唱會從中在贊助商中取利。此外，
對於Dalton跟他們稱夏威夷表揚CoCo，特別將今個月十四日定為「CoCo Lee
Day」，但到目前為止她都未有收到任何由當地政府發出的信件證明，如今演
唱會取消，「李玟日」也隨之消失，Nancy也摸不頭腦的說：「乜咁兒戲咩，
我都覺得奇怪無文件證明下通知過我有『李玟日』？」
記者分別就「李玟日」的真假，及演唱會毀約事件，分別聯絡夏威夷市
政府及Dalton本人，但至截稿前也聯絡不上。
--
告訴我你深愛我的靈魂 更勝過我的眼神 我可以不再繽紛 若讓我知你心裡真不真
願為愛付出 為愛堅強 為愛認真 為愛虔誠
就告訴我生命裡 因為有了我才完整 再困難的事也可能
就告訴我讓你馴服的 不是我的青春 不管我多老 你也不悶
Oh!我 專一情深如所有女人 我會日夜不分 釋放愛意溫存
Oh!我 當然多變如所有女人 我會勇敢承認 只要有真愛我的人
--
※ 發信站: 批踢踢實業坊(ptt.csie.ntu.edu.tw)
◆ From: 61.216.22.235