(2/9/00 3周刊)
好勝的梁詠琪自從同鄭伊健拍拖之後，唔知係咪近得「古惑仔」多，
玉女不再之餘，氣質更越變越豪，家陣仲移師泰國做江湖大家姐添呀
！認真女大十八變，下次唔知又會變乜o野呢？
兄弟如手足？當兄弟、手足倆者產生嚴重矛盾時，『愛』與『誠』─
此際，孰輕孰重？」其實《愛與誠》主線係講男人之間的情義抉擇。
《愛與誠》講男人間的情義
吳鎮宇同陳曉東係親生兄弟，吳鎮宇偷屋企錢，去泰國生活，後來成
為泰國江湖人物。而陳曉東去泰國搵 佢，點知被人嫁禍殺另一個江湖
大佬，吳鎮宇如果重視同陳曉東的兄弟情，就應該救細佬，如果佢執
著於江湖義氣，就應該交個細佬出來，所以「愛」係吳鎮宇同陳曉東
之兄弟情，「誠」就係吳鎮宇的江湖義氣，情義兩難存，吳鎮宇應該
如何抉擇呢？
梁詠琪係江湖大家姐
梁詠琪在戲裏面的角色非常把炮，係一間酒吧店主，同泰國議員關係
良好，可以講得係呼風喚雨，只要佢開到聲，想要軍火又得，想要船
走佬又得。佢係王傑的細妹，並且暗戀吳鎮宇，吳鎮宇有次想要一枝
槍，佢即刻班到俾佢，鎮宇後來安排細佬陳曉東走佬，想要一架船，
又係GiGi的功勞。後尾佢發現嫁禍俾東東的是李尚文，仲打算幫吳鎮
宇出頭造瓜添，認真有江湖風範呀！
咪睇梁詠琪呢身裝扮咁柔弱，查實佢係泰國江湖大家姐，非常厲害，
著成咁只係參加泰國潑水節！
東東同女朋友李佩慈千里尋兄，點知慘遭陷害，仲要著草逃亡添！
陳曉東藉口追討欠債，遠赴泰國尋兄，其實係要解開多年來之心結......。
燈紅酒綠的黑社會生涯，令到吳鎮宇陷入情義兩難存的艱苦抉擇中，
究竟佢要細佬定要義氣呢？
「愛與誠」故事簡介
方進龍（陳曉東飾）與女友 Jess（吳佩慈飾）遠赴泰國，目的只有一
個——尋兄。 其兄方龍就（吳鎮宇飾）在十多年前私取家中五萬元後
，不知所蹤；進得悉龍於泰國成為黑道中人，於是以追討錢債為藉口，
誓要解開多年來的心結…… 然而，進在泰國兄其間，透過不同渠道，
竟遇上畢生難忘的數人——阿吉（李燦森飾）、阿雪（梁詠琪飾）及壹
哥（王傑飾）！ 經歷數場考驗後，滿以為兄弟重逢？誰料黑幫恩怨竟
因兄弟重逢而風起雲湧……
--
※ 發信站: 批踢踢實業坊(ptt.twbbs.org)
◆ From: 125.c144.ethome.net.tw