東芝月色
曲:柳重言/方樹樑 詞:陳少琪/梁芷珊 編:方樹樑/柳重言/鍾世英
獨白撰寫:郭靜 獨白:陳曉東/張柏芝
東:呢個係響加勒比海一個海盜o既故事，
佢有一個相戀o既情人，只可惜個女仔係出身貴族，
所以佢地根本冇可能係埋一齊。
o個一晚，係一個月色好靚o既晚上，
於是個海盜決定要劫走佢最深愛o既人，
上o左呢隻海盜船上面，從此一齊離開呢個地方。
芝:我估個女仔應該係自願跟個男仔走o既！
東:唔同o既人睇法都唔一樣o既！
芝:係呢，既然o個晚月色係咁靚，
點解幅畫上面又唔畫埋上去o既？
東:因為最靚o既月色只有佢地兩個人響隻船上面先至會睇得到。
芝:我都好希望可以坐響隻海盜船上面呀！
我由細到大都未坐過船o既，
亦都未試過離開自己個後花園睇月光，
游水打波又唔得，
連去海洋公園都只係可以睇人玩咋，
唉，不過算啦！咁多年o黎我都習慣晒啦！
東:等你第日個病好番咪得囉！
芝:唔知呢！…好啦，呢幅畫就掛響我床頭度啦！
沿鐵路 輕擺吊燈 遠去了都市聲音
同躺在海邊聽海 沉迷月色的親近
定格這刻美感 從回憶中誕生
將記起這晚間適溫
從臉上 呼吸尾音 軟化你頸裡絲巾
無說話 只可抱緊 人如月色的親近
在晚冬的氣溫 尋求這溫暖感
手與手都已經深吻
月光 抱擁你共我
長夜仍否 都記錄這經過
靜看月光 照穿你共我
美得彷似是星雨再經過
芝:『佢係我o既畫畫老師，
響我咁多個家庭老師裡面我最喜歡o既就係佢啦，
因為佢教識o左我用個心去睇事物，
用想像去感受一下呢個世界。』
從臉上 呼吸尾音 軟化你頸裡絲巾
無說話 只可抱緊 人如月色的親近
在晚冬的氣溫 尋求這溫暖感
手與手都已經深吻
月光 抱擁你共我
長夜仍否 都記錄這經過
靜看月光 照穿你共我
美得彷似是星雨再經過
靜看月光 抱擁你共我
也許這宇宙演奏情歌
芝:『我一出世個心臟已經有問題，
比正常人脆弱好多，好在我屋企有錢，
於是乎我一直可以話響一個溫室度長大，
可惜我個病最近開始惡化，
唯一o既辦法就係要去外國做手術，
但係呢個手術o既成功率只有一半一半，
我唔驚個手術會失敗，
只係有o的o野我仲未有機會做得到就要離開，
我會覺得好遺憾o者。
今日係我o既生日，我屋企人幫我搞o左個party，
亦都順便farewell我o個一班家庭老師，
因為過兩日我就要去做手術啦。個party的確好熱鬧，
但係只有佢先至睇得出其實我唔係咁開心o者，
個party完o左佢偷偷約我見面。
我望住掛響床頭幅畫，
等我o的屋企人「目訓」著晒，等佢o既出現。
佢一見到我就即刻拖住我隻手，帶o左我走。』
東:我而家劫走你喎，你唔驚呀？
芝:唔…我自願o既！
芝:『我坐o左係佢o既電單車尾，佢一直都冇出聲，
而我一直都冇問佢任何o野，
只係咪埋雙眼，緊緊咁攬住佢。』
沉默不語不等於沒有感覺 沒有主見
平凡淡然不是沒在意 是不想刻意
平淡自然不等於未夠深刻 未夠真摯
不必口述我真心 留待你來發現
* 甜蜜說話 狂熱故事
末世的坊間不斷在流傳
然而平實戀愛 重新發現 *
# 不要相信假象謊言 沉迷一天半天
簡約主義方是靈驗 歸於最自然
實在不必欺騙 亦沒一點必要改變 #
盟誓諾言不等於絕對真心 絕對不變
不必出動我的天 情共愛才兌現
Repeat * # *
不要相信假象謊言 沉迷一天半天
簡約主義方是靈驗 歸於最自然
Repeat #
芝:『呢條電動樓梯唔郁o既時候原來真係好長，
我行o左十幾級個心臟已經開始負荷唔到，
於是佢就揹住我一直行到上去山上面。』
東:今晚個月光咁光，早知我唔駛帶電筒啦。
芝:嘩！我從來都未試過三更半夜o黎到海洋公園o架！
你o個個secure朋友會唔會有事o架？
東:我同佢講話如果佢比人炒魷魚o既話呢，
你就會陪番一年o既人工比佢o既！
芝:冇問題呀！
東:好啦，上船啦！
芝:多謝你呀！
東:雖然我係呢隻海盜船o既船長，但係我都開唔郁佢。
芝:就算你開得郁佢我都受唔到啦，
不過…唔知手術之後我仲會唔會有機會坐o係呢隻船度呢？
東:只要你個心諗住得o既，就一定得o架啦！好啦，
我地而家就向加勒比海出發！
芝:『比佢劫走o個一晚個月色好靚，
而最靚o既月色就只有我地兩個人響隻船上面先至睇得到。
我整晚都躺o係佢懷抱裡面，用個心去感受月亮，
用想像去感受將來我o既世界。』
--
※ 發信站: 批踢踢實業坊(ptt.twbbs.org)
◆ From: p167.ts.tp.hitron.net