http://www.show8.com/entertainment/entertainment.htm
陳曉東今日出席港台《娛樂滿天星》節目，講到自己心底最想的十個願望，其中
一個是希望大家以後唔好再叫他「東東」，而另一個願望則希望可以剪個靚短髮
型，不過當阿東（陳之新暱稱）正努力描述他心目中的髮型時，卻講成一個三級
笑話。
阿東話以前曾經剪過短髮，不過唔好睇，現在希望有個靚短髮型合適自己。阿東
開始去形容說：「我想剪短，即企起身果種。」此時主持已經質疑頭髮點樣可以
企起身，阿東續說：「男仔企起身好緊要，即做男仔最緊要一 早起身，甚麼都不
用搞都可以企起身，最好是甚麼都唔需要搽都可以企起身。」
主持見阿東越解釋就越令人想入非非，於是索性說：「你唔好講喇！再講我驚廣
管局投訴。」不過當時就好似只有阿東一個唔知自己講錯話，其他人已經笑到合
不攏嘴。
至於點解唔想再叫東東，阿東解釋東東個名太幼稚，當年出道才19歲，現在都已
經快25歲，阿東說：「我鍾意陳曉東個名，只是不喜愛個花名。」而東東就只有
他媽媽一個人可以繼續沿用。
另外阿東都承認改名的另一個原因是想重新開始，阿東說：「改名同其他都只不
過是小事，現在最想都是搵個好經理人。現時暫由兩個助手幫手，工作都算順利
。」現時阿東正在洽談階段，詳情有待日後公布。
阿東十個願望：
1.搵到一首可以唱出自己心聲的好歌，及拍一套好的文藝片。
2.屋企人肥肥白白。
3.希望自己的表達能力好些，過往衰過多次，現在已有點進步。
4.男人要學做生意，希望開一間麻辣火鍋店。
5.不願再被別人稱東東，事關自己已經長大。
6.開一個好嘈的演唱會。
7.搵到一個同以前一樣好的經理人。
8.想脫智慧齒及前排兩隻犬齒，看起來成熟些。
9.剪個靚髮型。
10.想健身，令人看起來不會太斯文。
--
※ 發信站: 批踢踢實業坊(ptt.twbbs.org)
◆ From: 210.17.21.23