陳曉東玩串娛樂圈
(3周刊 29/7/00)
估唔到陳曉東會去到咁盡。訪問前，曾經收到「環球」唱片部的電話
，要求知道訪問的內容，然後否決呢樣，否決o個樣，保護格、戰鬥格
做到十足十，心諗：呢個訪問乜都唔俾問，咁點做啊？不如你做埋我o
個份。
訪問當日，碧空萬里，陳曉東o既心情同樣燦爛。開口埋口娛樂圈太好
玩，一時話扮攝石人，一時話打保齡球，講o既時候仲要手舞足蹈，聲
音動作絕頂匹配——今日看到的，是一個豁出去的陳曉東。
陳曉東的心情，就像外國的天氣，連綿數萬里都是刺目的藍。想尋找
白雲下的陰影，想挑起小小陽光下的陰暗面，要陳曉東講講這幾年的風
風雨雨，陳曉東直言講得太多，但還是脫口而出「o係我生命裡o的o野o
黎得好快，一時間Bomb 一聲就o黎，基本上成長係一件好困難o既事，而
最難就係要改變自己。」 「基本上我入行到而家已經由一個人變o左第
二個人，到而家好似放低o左好重o既包袱。所以而家o既狀態，係從來入
行未試過，那麼的舒服，那麼的如意。」放下過去的包袱，提起最近o的
開心o野，即刻換上一副興奮的表情。
敢做任何o野
呢一份興奮，在提起娛樂圈的奇奇怪怪現象，提起自己的重大發現同改變
，即刻到達沸點。「娛樂圈實在太好玩啦，以前唔覺。呢個咪以前同而家
o既分別囉，以前覺得我有好多o野俾人綁手綁腳，好多o野唔可以做，而家
係任何o野都可以做。上一輩o既歌手，佢o地受好多規則限制，哈哈，我o
地一代簡直將呢個娛樂圈反轉再反轉。媒介又鍾意同我o地一齊玩，痴線o
既，你諗o下謝霆鋒，以前邊有人做show ，會行出o黎潑水，唱歌就唱歌啦
，又邊有人唱唱o下歌，會行出o黎伴舞。以前o的人會話『邊有人咁o既』，
但係而家呢一代好似我咁就會話『娛樂圈幾團結』。」
「同一樣o野，但係o的o野任你講，冇規則o既。而家就係興冇規則，同一
樣o野，有太多方法可以講。以前我以為淨係得一個方法可以成功，但原來
兜一兜，轉一轉方法，都可以去到成功o個條路。只要你開心就得啦，娛樂
圈根本就應該開心。」
亂咁答問題
「我覺得一個人成功唔成功係睇佢自己，關人乜事。如果連呢係做話題都
唔知，就實在太愚昧。呢永遠都係媒介講，唔緊要，你咪講。反而以前我
個人太過率直，聽完會企出講我冇鬧意見，冇咁事。咁真係冇一件咁事。
但係而家俾我，我會話係啊，我真係好有，我會玩番轉頭。你鍾意亂問，
我鍾意亂答，大家鍾意亂寫，出到大家亂笑一餐，有乜所謂。娛樂圈係玩
，你問我，我覺得實在太好玩啦。」
樂意做攝石人
「以前我好緊張，o下，你話我攝石人，以前我會好hurt ，問自己點解你
唔明白我，點解你用咁幼稚字眼我身上。但而家唔會囉，我會認，係，我
係啊，我今日就攝俾你睇，你記住影啦喎，吹啊。人都係想話題，想樣笑
，咁我作為主角，我當然要將呢樣越發越大，你鍾意玩我咪同你玩落去囉
。邊個care， 最care 就係你自己，陣時就係太care ，太在乎。以前Rebecca
〈已故前經理人〉曾經講過：『陳曉東，其實你開心就得啦！你唔在乎你
就會贏。』就係呢個道理，所以而家成個人係─嘩！感覺好正。特別係工作
安排好，而家感覺係─嘩！真係fit 啦！咁態度令我覺得可以繼續行落去
，唔會覺得辛苦。」
情史一堆堆
訪問陳曉東，不可以不提張柏芝。順道問一問在張柏芝之前的感情生活是
否一片空白，立刻換來「我工作o既時候唔講感情，但係私底下我會做，
私底下我覺得我不過係一個普通o既人，普通人會做o既事我都會做。」坦白
之前的情史絕不平淡，但坦白的結果是換來唱片公司的人公然催著說要走
，但是陳曉東毫不在意，繼續回答同張柏芝相關的問題。
遷就張柏芝
「同女朋友相處之道？就係企o係對方立場諗，我係好有原則o既人，但我會
願意遷就對方。你睇唔出？你覺得我有少爺仔脾 氣？咁你就錯啦！係人都
知我係一個好有自己諗法o既人，但係我都會俾我女朋友知道我會遷就人。
女仔無論幾咁強都好，到最後都鍾意人o地遷就佢，唔合理我會唔會遷就？
唔會，我最唔鍾意人無理取鬧，無理取鬧我睬佢都傻。所以我咪話某o的原
則我一定會Keep住，某一o的位可以o既話我係絕對會遷就對方。唔好犯我的
大原則，犯到大原則就冇得傾。嗌交而犯唔到大原則我會就，但我o既底線
都好低，都唔係咁容易激嬲我。嘩，我算係一個好就得人o既男朋友，但係
你絕對會知道我係好大脾 氣，我會俾你感覺到。我可以突然bomb一聲爆炸
。哈哈哈！」
希望做監製
今時今日的陳曉東，緊張與執著的，已經不再是圍繞身邊的閒言閒語，而是
工作的質與量。陳曉東忘形的投入工作，親身參與形象設計，揀歌和唱和音
一腳踢，心中並默默期望有一日可以擔正監 製。現在的他發現做好音樂才
是最重要的事情，因為時代唔同，故此「有o野就做，盡量投入」，才是他
工作的目標與指標。
後記
某日翻開報紙，看見陳曉東在演唱會上，模仿打保齡球的姿勢給記者拍照。
突然有一個念頭湧上心頭：「車」！有咩咁奇。做完呢個訪問，睇你玩完十
指緊扣，我唔會隨隨便便嘩！嘩！嘩！不過仍然心郁郁地靜心期待，期待陳
曉東可以玩得更精彩，加倍轟轟烈烈。
--
※ 發信站: 批踢踢實業坊(ptt.twbbs.org)
◆ From: 202.178.146.170