(8/11 Cyber日報)
陳曉東一向是保時捷發燒友，剛剛一擲百萬買左部996，
但保時捷最近又推出最新型號「996Turbo」，東東恨到
心癢癢，不過公司錫東東錫到(火農)，千辛萬苦找到最
新型號畀東東拍國語歌《Noway》MTV。由於該車款暫時
全港只有一架作陳列品，東東能夠率先試車，認真巴閉。
昨日東東就和他的Dream Car在奧運站附近拍MTV，雖然
東東未能真正擁有996Turbo，但畀佢率先試駕駛已經開
心到飛起，公司仲專登選了DC1(Daniel Chan No.1)車牌
來拍MTV，十分威水。
東東興奮地表示，接拍MTV時得知內容會很超時空，於
是他膽粗粗提議公司搵部最新款保時捷來拍攝，點知公
司真係去同保時捷商議，汽車公司答應借出靚車拍攝。
公司仲買重百萬保險，車行方面更派人在現場看實。
據知這部時值150萬的996Turbo一推出，已數度斷貨，
不少名流富豪早已喉實，提早9個月訂貨還未能到手。
東東一句話要拍MTV，即刻可以試車，真係恨死隔籬。
東東流晒口水地說很想換呢部車，但原本的996才剛落
地不久，冇理由咁貪心又換車，所以還是忍手，有得
試駕已好滿足。
--
※ 發信站: 批踢踢實業坊(ptt.twbbs.org)
◆ From: 220.c147.ethome.net.tw