~
http://0rz.tw/884ih
26/06/2008
陳奕迅（Eason）前晚舉行音樂會，不但與女兒打對台，還遇熱帶風暴「風神」踩台，
Eason無懼「風神」威脅，愈唱愈勇，安哥至十時四十五分才完騷，8號風球隨即宣布高掛
。
《新城唱好陳奕迅Talk It E C音樂會》前晚在3號波吹襲下開騷，一身紅爆登場的Eason，
帶領環球新人演出，跳到癲的他令麥家瑜跟唔上節拍，仲緊張到說話聲震，而陳詩慧聲線
勁似謝安琪，MC Jin則 rap到落台，Mr.就與Eason夾band。
濕髮扮霍震霆
每次Eason開騷，徐濠縈必會與女兒康堤捧場，惟前晚不見她倆，原來康堤前晚在演藝
學院跳芭蕾舞，記者笑他與囡囡打對台？Eason得戚說：「佢唔夠我撼！（驚唔驚囡囡唔開
心？）唔知佢喎！我冇睇過佢表演。（囡囡表演完睇你做騷？）冇喎！佢返屋企！」
前晚喪唱喪跳的Eason，好快已經汗流浹背，他自嘲說：「唔容易，住咁多舊肥膏度
跳。」而且頭髮又濕又塌，變得冇型可言，抵死的他用手將頭髮梳成中間界，鬼馬說：
「我係東亞運動會代言人。」似揶揄霍震霆，全場笑爆嘴。
唱到掛8號波
Eason唱到十時十五分，當他行返後台時，被DJ露芙截住說：「預告十一點掛8號風球
。」Eason有恃無恐說：「安全梗係第一，除非你好似我四海為家。」觀眾即拍掌起哄，但
有小部分觀眾就離場， Eason抵死說：「後面好唔畀面喎，佢走咪走囉，我慣 ，出道第一
個騷，人度猜枚添。」
不過，逾九成觀眾留低睇騷，更撲到台前握手，Eason唱完《與你常在》和《浮誇》後
，露芙再上台「搞事」，Eason說：「十點九放佢 出去，十五分鐘返唔返到屋企，唔關我
事。」Eason用粵曲腔唱《K歌之王》後，露芙三次上台：「情況愈來愈貼近。」Eason說：
「畀人警告，惟有最後一首歌。」唱出《明年今日》後完騷。
採訪：音樂組
--
※ 發信站: 批踢踢實業坊(ptt.cc)
◆ From: 218.102.161.221