前言 :
歌神許冠傑一手炮製的歌舞劇仲夏夜狂想曲籌備得如火如荼.
鄭伊健,楊千嬅,陳小春,梁詠琪四位主角亦積極投入採排.....
之不過,原來呢個劇唔上四位主角架.皆因今次一共有大八幢佈景.
加埋價值成三千萬,每幢佈景都美輪美奐各有特色.
佈景一:夏威夷
全劇一開場就會係呢個充滿熱帶風情的夏威夷佈景.
千嬅會著夏威夷草裙出場.
大會仲特登到夏威夷請左班土著舞蹈員來港,到時同千嬅齊齊跳草裙舞!
佈景二:車房
男主角車房仔鄭伊健工作既地方.到時會有一輛名貴跑車由台下升上來.
而伊健就坐係度整車~(咁既出場方式,係咪好型呢?)
佈景三:幼稚園
飾演幼稚園教師的梁詠琪會同三十個小朋友上唱遊堂.
佢地又扮花又扮草菇,一定好開心呀.
佈景四:天台屋
伊健同Gigi係青梅竹馬既鄰居,樓下係Gigi住既唐樓頂樓.
樓上係伊健住既天台屋.伊健同Gigi住得好近青馬大橋架.
所以後面會有青馬大橋既天幕佈景,到時仲會有瀑布形煙花睇添!
佈景五:半山豪宅
富家女楊千嬅由夏威夷返香港後所住既半山豪宅!
故事講到伊健同Gigi呢對青梅竹馬既好朋友,齊齊去千嬅屋企.
點知-伊健同千嬅竟然一見鍾情!Gigi從此陷入苦戀中.
佈景六:海邊燈塔
呢座海邊燈塔簡直係全劇愛情靈魂.
皆因伊健會分別(無錯,係分別!)帶Gigi同千嬅黎看海談心!
單係座燈塔已經用左十噸鐵,簡直係重量級佈景啦!
故事內容:
三個年青人之間的三角戀情, 營造出一場接一場的溫馨浪漫場面.
伊健飾演的車房大偈,在一個極之有趣的處境之中, 無意之間製造了一次浪漫的邂逅.
與由夏威夷回港的富家女楊千嬅擦出愛火.但Gigi一直暗戀伊健卻無膽表白.
在伊健的內心深處,卻深刻地留著與他青梅竹馬的女友梁詠琪的一段深厚感情.
伊健與梁詠琪少年時代埋在地下的時間囊內,蘊藏著二人過往的甜蜜回憶.
更令這場一見鍾情與青梅竹馬的角力賽,難解難分.
坦率的愛和含蓄的愛,伊健將會如何抉擇呢?
鬼馬風趣的百變司儀陳小春,化身為不同的劇中角色,令觀眾與三位主角打成一片.
所有入場觀眾將會渡過一個溫馨浪漫歡笑開顏的晚上.
以上感謝香港網友KELLY提供
--
超級EKIN迷 InryoL
--
※ 發信站: 批踢踢實業坊(ptt.twbbs.org)
◆ From: 210.64.103.221