from:
http://www.show8.com/entertainment/entertainment.htm
華納EMI忽然合併
王菲Sammi憶蓮爭做一姐
王菲的唱片銷量一向強勁，兩大唱片公司合併，相信對她邁向國際有正面幫助。(資料
圖片)
環球唱片公司以100億美元收購寶麗金，成為全球最大唱片公司後，即將又會有兩間國
際性大唱片公司合併！據外電報道，AOL同時代華納兩星期前合併後，華納唱片將會再
投資200億美元與EMI（百代）合併，EMI旗下之三間分公司，其中包括新成立之「維
京」（Virgin）唱片，亦會收歸華納旗下。而合併之後華納與EMI會超越環球唱片，成
為全球最大唱片公司。
據了解，華納將會於倫敦時間24日(香港時間25日)公佈這件大事，日後肯定對樂壇之影
響舉足輕重！而香港方面，假如華納與百代合併，大家最關心，當然會係幾位叱吒樂壇
之天后，將會如何「擺位」啦！
王菲、鄭秀文、林憶蓮三大天后，忽然間同坐一條船，咁邊個做大？邊個做細？明明我
係一姐，無端端多了兩個姊妹，點算？據Show8推論，相信係今次合併之中，影響最大
的一個天后，一定係Sammi（鄭之暱稱）！
王菲雖然一向與世無爭，懶理得你咁多，我有我唱我的歌，但係我的歌又偏偏最賣座！
全世界最受歡迎華人女歌手，阿菲當之無愧！又點會唔係「皇妃」坐阿姐位呀！所以當
Show8 記者致電給阿菲經理人陳家瑛時，陳家瑛氣定神閒道：「係呀，我一早知啦，不
過係咪唔可以公布住呀？要等佢地國際性方面公布先嘛，覺得兩間公司合併點？係一件
好事呀，對阿菲只會有好影響，唔會係壞事。至於咩一姐位，阿菲不嬲都唔理呢D，佢
只係會做好佢音樂。」
而另一位天后林憶蓮，剛剛簽約EMI旗下之姐妹公司「維京」。憶蓮主力發展市場係台
灣，而且有老公有女萬事足，已經不再問世事，所以就算唱片公司多了幾個阿姐，對她
亦應該冇影響。
(續下頁)
Sammi跳槽機會大增
Sammi 突然同王菲憶蓮做同事，會否促使她跳槽呢？(資料圖片)
兩大公司合併，最大影響相信係剛剛上阿姐位兩年。如果阿菲做一姐，咁Sammi咪要坐
番落來做阿妹？陳慧琳又迫緊上來，死囉，唔怪之得，一直盛傳Sammi想搵唱片公司跳
槽啦。
據知Sammi與華納只有一年合約，一年合約屆滿之後，相信Sammi跳槽機會都相當之高，
所謂一山不能藏二虎，依家仲藏三虎，Sammi的一姐地位將面臨重大考驗。
究竟Sammi經理人黃柏高今次會點幫Sammi安排呢？如果簽Sammi回正東，正東又有個陳
慧琳，一樣係一山不能藏二虎，唉，今次Sammi都幾煩，不如把心一橫嫁俾安仔，等佢
養安心做少奶奶啦。
--
等足一億五千七百六十八萬秒 終於等到
王菲唱遊大世界香港演唱會 超級現場演唱實錄專輯
雙CD 收錄國粵英語二十九首金曲 特別推薦 [約定 正宗原唱現場版][夢醒了]
[Bohemian Rhapsody][臉 特別版]以及[Auld Lang Syne-與王菲一起跨年!!!]
--
※ 發信站: 批踢踢實業坊(ptt.twbbs.org)
◆ From: 202.39.10.58