《搜》劇破胸出擊　 40吋胸羅仲謙熱爆同志網 　　(忽然一周)

http://bbs.ent.163.com/bbs/tvb/174347545.html

10年　朱古力倒三角
擁有「倒三角」身形的羅仲謙，在《搜》劇中狂晒 40吋胸肌，引到一班餓女攣男流晒口
水.。「要操 fit身形唔難，最緊要做運動嘅時間要超過 45分鐘，點曬太陽膚色先靚？就
係抹汗嘅時候唔好用毛巾，因為毛巾抹多一次就會有細菌，要用抹手紙印乾啲汗。」

無綫劇《搜下留情》播映以來，唔少觀眾彈女主角陳慧珊回塘過氣，男主角馬德鐘又冇觀
眾緣，但上個禮拜收視仍企硬 30點以上。歸根究柢，原來餓女勁捧劇中飾演拳擊教練的
靚仔羅仲謙（Him）。

半年前為《搜》劇狂操泰拳的羅仲謙，近日更憑 40吋朱古力胸肌和「曱甴肚」熱爆多個
討論區及同志網。男女通殺，難怪他在近年鬧小生荒的無綫，輕易突圍。

08年　白淨排骨仔
羅仲謙當年拍攝電視劇《四葉草》時，仍是排骨仔一名，經操練後，即進化成man爆肌男。

羅仲謙 16歲做 part time救生員時，仍是排骨仔一名，之後被星皓睇中做林嘉欣師弟。
處男下海的他 05年夥五大影帝拍《阿嫂》，之後再拍《六樓后座》和《愛鬥大》。為磨
練演技， 08年羅仲謙入無綫捱世界，先後拍《四葉草》及《尖子攻略》。

「以前拍戲好舒服，一日可能拍一兩個shot就搞掂，無綫係少林寺，日日瞓兩、兩粒鐘再
開工，日操夜操演技一定有進步。」以往拍慣純情白滑 o靚仔，在《搜》劇入面羅仲謙卻
搖身變成肌肉型男。

「其實監製（潘嘉德）未拍前問我想做單車教練定係泰拳教練，咁梗係泰拳啦，可以操fit
啲身形嘛！」劇中飾演馬德鐘細佬的他，日日剝衫狂騷 40吋朱古力胸肌，加上嫩口兼靚仔
，孝順又專一，劇入面已經勁俾女圍，完美「倒三角」身形更被一眾網上攣男熱捧。

成為新一代基男偶像，羅仲謙笑說：「都開心嘅，無論男女總之留意到我演技，我都會多
謝佢哋。（出街驚唔驚俾人揩油？）又唔怕，我諗佢哋都係斯文人嚟，都係為套劇好，先
特登操 fit啲，希望觀眾鍾意睇我做戲啦！」

操拳谷肌
羅仲謙為拍《搜》劇，半年前開始到拳館操練，短短日子，已學識三招必殺技，傍身之外
，更可練出肌肉線條。

左直拳練胸肌
羅仲謙每次出直拳都慣用左手，他表示每次出拳，胸肌一併被帶動，「練得多直拳，除咗
膊頭比以前橫咗，胸肌亦會發達啲。」

批踭練腹肌
羅仲謙另一招殺着，便是起踭攻擊對方面部。「呢招主攻對方個鼻，起踭嘅時候，肚嗰個
位要長期收縮，想 keep住呢六嚿腹肌，我都係靠呢招。」

起膝練大腿
這招主要攻擊對方腹部，據羅仲謙表示，此招可令對方的橫格膜抽筋。「因為踢腿要靠全
身力度，可以修到大腿嘅脂肪，仲可以收埋個 hip?。」

基撐女愛
25歲羅仲謙雲集餓女勁冧的俊朗樣貌再加基男勁捧的 man爆身形，《搜》劇一出，羅即熱
爆多個網上討論區， out爆陳慧珊加馬德鐘絕對要靠邊站。

新劇咀監製女
羅仲謙日谷夜谷終於有回報，成為無綫新紥小生，劇集一套接一套，近日拍攝新劇《團圓
》，有幸咀嘴無綫監製梁家樹女 Toby，更被 Toby讚「好咀好攬」。對此羅仲謙說：「嗰
日我同 Toby一邊鬧交一邊喊然後再咀佢，我就食晒 Toby啲鼻水，拍完呢場戲我同佢仲做
埋『兄弟』，近排都會約出嚟食飯。」得監製女關照，再加後天培「肉」，羅仲謙上位在
望！

羅仲謙在《搜》劇中和落選港姐黃智雯拍拖，唔單止羅熱爆網絡，就連黃亦被網友封為港
版松隆子。

羅仲謙入行不久，即有機和五大影帝拍電影《阿嫂》，當年廿歲未夠的他，已被力捧，更
在電影海報佔一席位。