男女通殺 冧掂TVB男高層　羅仲謙40吋巨胸彈起

Face周刊153期 http://bbs.ent.163.com/bbs/tvb/174679708.html

扮哥哥
謙仔扮哥哥喺溫泉拍寫真，拍攝當日天氣得 18度，謙仔一落水即起晒雞皮，仲要扮
 relax，好考演技 o架！

《搜下留情》上週最高只收 29點，孭重飛嘅馬德鐘和陳慧珊懷舊中生中旦冇乜收視，反
而班 80後二線就出咗位，尤其劇中做馬德鐘細佬嘅泰拳手阿康（羅仲謙），劇內不斷騷
 40吋石頭胸加埋 8嚿朱古力腹肌。

出道6年，前年才接拍無綫劇的羅仲謙，肌男形象入晒屋，唔只女仔嗒糖，更係同志新寵
。劇接劇，原來 40吋巨胸男深得戲劇分部副總監梁家樹馬房的監製張乾文、潘嘉德歡心
，個個爭住用，羅仲謙要上位仲易過除衫啦！

羅仲謙絶密爆肌片段

26歲羅仲謙05年入行拍電影，入行前在青衣灝景灣私人泳池當救生員。收入萬幾蚊，唔想
成世焗喺泳池，好彩羅仲謙 05年撞啱電影《阿嫂》製片搵人，一心試吓無妨嘅謙仔，膽
粗粗入咗星皓做林嘉欣師弟。

唔擺基甫士

入行 6年，今次喺劇集《搜下留情》晒肌上位，週日（ 25日）為本刊拍照，分別以葡萄
牙型男 C朗拿度同埋張國榮嘅經典造型影相，盡晒 fit爆身材。「知道有份拍呢個角色，
我就即刻搵泰拳師傅操，鶽家每日都操 3、 4個鐘。」影相期間謙仔不停騷肌，不過當攝
影師要求他舉高雙手展示麒麟臂，或者騷冧女笑容時，謙仔就好抗拒：「唔好擧高雙手啦
！我驚好《雄風》（同志刊物）呀！」

 '04奀仔
當年 20歲仲做緊救生員嘅羅仲謙，唇紅齒白相當孩子臉，肌肉亦冇鶽家咁勁！

經典寫真
98年哥哥張國榮為大碟《 Printemps》到日本拍寫真，其中溫泉邊晒 42吋胸肌一輯相成
為寫真經典。

謙仔 06年開始喺無綫拍劇，所有作品都係梁家樹旗下監製，謙仔話：「我最多謝《尖子
攻略》同《團圓》監製張乾文，佢第一個話用我。」嚟緊喺《團圓》，謙仔仲同梁靖琪飾
演情侶。

扮 C朗

謙仔除咗精於泳術外，亦熱愛足球，對於 C朗球技讚不絕口，但論身形，謙仔話最鍾意《
 Fight Club》入面嘅 Brad Pitt：「我覺得佢有肌肉得嚟好修長、好靚。」

唔敢笑

原本要求謙仔剪短條白褲，可惜經理人唔畀，攝影師遂要求謙仔有啲笑容，但謙仔話：「
如果騷肌又笑得燦爛，就好似《雄風》 o架喇！」係咩？

「我有 Gay朋友」

梁家樹
戲劇分部副總監

雖然抗拒 gay甫士，不過對於健碩身形被同志垂青，謙仔並唔介意：「我有 gay嘅朋友，
佢哋好 nice，對愛情好專一，有人鍾意睇羅仲謙就得，男仔女仔都冇問題。」拍過三次
拖，單身咗近 4年的他，大隻身形除咗男女都啱，連無綫監製都勁冧，據知《衝上雲霄》
同《女人唔易做》監製潘嘉德已私下同謙仔講下套劇一定預佢。
已剛拍完嘅新劇《團圓》入面，同梁靖琪（梁家樹女兒）做情侶，仲應導演要求即場加咀
戲，難得 Toby爽快即咀，監製同高層太子女都勁冧，謙仔實上到位啦！

採訪、撰文：林通賢　攝影：陳景豪
髮型： Eric Ngai（ Grand Hyatt） IL Colpo
形象： Bryan@The flamming
化妝： Leo Tam@Annie G. Chan