叻過老公 擦掂 TVB 3巨頭 田蕊妮「打邊爐」＊撈
FACE周刊第155期 http://bbs.ent.163.com/bbs/tvb/176071253.html
週日適逢母親節，田蕊妮上台即與現場觀眾講：「咁多位 auntie，母親節快樂！」入後
台又扮支咪唔記得閂話：「我阿媽有個花名叫『大波師奶！』」要森美扮提點：「傻婆，
你支咪未熄 o架！」引得全場笑爆！其實根本一早夾定。
週日晚（ 9日）《超級巨聲 2》首播，收視平均 22點，主持森美拍住第一次孭重飛嘅 32
歲人妻田蕊妮（大塊田），杜太表現淡定仲識搞吓 gag，比上輯叮走嘅劉美君醒目好多。
大塊田除咗做主持，最近仲擔正電視劇女主角同拍住視帝黎耀祥做新處境劇《天天天晴》
演出。兩瓣齊開，全因冧掂樂易玲、曾勵珍同《巨聲 2》監製麥鎮東，據知除咗平日世界
女口甜氹高層，私下又同麥監製好似電影《志明與春嬌》咁「打邊爐」（圍埋煲煙），結
果成功＊撈《巨聲 2》主持，幾時都話把口 ?過油着數好多！
週日《巨聲 2》進行錄影第三、四集，錄影前田蕊妮不斷同森美對稿，見到評判杜麗莎，
就主動撲上前打招呼及擁抱說：「 Teresa，母親節快樂！」氹得杜麗莎笑唔停，超識賣
口乖。
世界女襟撈
清算「迷雲黨」，拖累張繼聰、鄧健泓等黨羽工作，所以《巨聲 2》主持位誰屬事前好多
傳言，結果由大塊田冷馬跑出，監製麥鎮東說：「唔好咩？阿田幾好吖，又唱得又可以壓
台，之前 cast過好多個都唔適合，最後咪揀阿田囉！」監製表面話 cast過，但據知麥鎮
東與田蕊妮早有淵源，兩人不時在錄影廠外煲煙吹水。知情者說：「佢哋同係亞視出身好
friend底，有日兩個喺錄影廠外空地煲煙吹開水，知道《巨聲 2》搵緊主持，大塊田力
sell自己做主持都 ok，所以監製咪彈個主持位畀佢囉！」
體貼遞巾
田蕊妮除咗識搞氣氛，見參賽者李榮耀（中）落淚，仲即時遞上紙巾，超體貼。
勤力咪稿
未出場田蕊妮再三對稿，有人照都冇偷懶，抵讚！
升呢女主角
《讀心神探》中田蕊妮升呢做第一女主角，同時間佢又有份同多位好戲演員拍《天天天晴
》兩劇監製都係徐遇安，係珍姐黨，證明珍姐好錫阿田！《蘋果日報》圖片
明醒
製作部戲劇製作總監曾勵珍
向監製主動?撈主持位得米，大塊田繼續發功，喺劇組亦氹得升呢做第一女主角，喺新劇
《讀心神探》就同林保怡演情侶，同時亦有份演新處境劇《天天天晴》同視后視帝合作。
連踩兩劇，除咗演技，仲要識做人，見大塊田個微博貼咗佢喺《天天天晴》演員合照，司
棋姐、毛舜筠都四萬合照外，佢仲雞乸咁大隻字讚毛舜筠：「你實在太完美了，唯一的缺
點是太誠實，不懂說謊！」
擦鞋擦出面，知情者說：「阿田不時喺劇中姐前姐後稱呼對方，拍劇放飯仲會成日萬歲請
食飯，所以同劇中演員關係好好。」擦掂高層升呢，週日錄影《巨聲 2》時，田蕊妮聽見
記者說她近來好紅，未及問完問題，佢就起閘：「其實你係邊間 o架？我唔答喇！」嘩，
唔使驚到咁呀？心虛咩？你有實力 o架大塊田！
微博扮 friend
田蕊妮同杜汶澤 iPhone不離手，連早前金像獎行紅地氈都要上微博放相，除咗可以吸納
粉絲，仲增加阿田喺無綫廣交結友嘅機會！
擦鞋擦上博
阿田微博見佢貼咗唔少《天晴》同劇嘅演員照，不過見佢超擦鞋寫：「毛姐，你太完美了
！」就有啲嘔啫！
視帝對手戲
喺《天晴》田蕊妮演黎耀祥下屬，有勁多同視帝嘅對手戲，珍姐明益阿田啦！
甚少女藝人可在 TVB綜藝及戲劇組同時力捧，雖然與大塊田係亞視舊同事嘅麥鎮東話貪佢
贏過亞視「未來偶像爭霸戰」金獎唱得又壓到台，不過冇樂小姐睇住，主持個位好難會諗
起田蕊妮喎！
帶挈
製作資源部總監樂易玲
老友
《巨聲 2》監製麥鎮東
踢爆 Miss Chan杜麗莎不和
《巨聲 2》無綫搵杜麗莎同陳潔靈，諗住雙鬼拍門，點醒啲參賽者，點知杜麗莎風頭勁過
首席評判 Miss Chan Chan，仲同對方打對台，搞到擘晒面，第 3集參賽者羅孝勇（下圖
）用 ad-lib方式唱〈 Imagine〉，全場大讚唱得好，不過惟獨杜麗莎大聲話：「唔得，
冇咗金曲原味！」最後得 14分跌入失敗區， Miss Chan Chan私下好火同趙增熹講：「我
要救番個 o靚仔！」經過評判開會，羅孝勇先冇被淘汰。
我要救番個 o靚仔！
冇咗金曲原味！
帶全家做騷
母親節當日錄影，杜麗莎帶埋 3個女喺記者面前互咀，送埋花話：「囡囡同佢賀母親節。
」睇落似帶 3個女曝光，為佢嚟緊個唱谷宣傳多啲喎。
你踩我幫
專程由澳洲飛返嚟的羅孝勇，兩集都以英文歌參賽都順利晉級，要多謝首席評判 Miss
Chan Chan幫你先翻生咋！
1集即吸粉絲
雖然《巨聲 2》只係播咗 1集，觀眾連參賽者個樣都未必認得，但係陳慧敏同謝東閔已經
喺 facebook有 fans網頁。
過江女陳慧敏
20歲澳門參賽者陳慧敏，第 1集就唱王菲〈我願意〉，被趙增熹指冇原唱咁有感情，第 3
集佢再挑戰鄧麗君〈月亮代表我的心〉，畀評判大讚有進步，有樣又唱得，難怪已有 4百
幾 fans，幫佢喺網上開埋後援會撐佢。
黎明上身謝東閔
24歲報稱做生意嘅謝東閔，錄影當晚佢就翻唱哥哥嘅〈怪你過分美麗〉，問佢演繹時諗住
邊個，佢就超有信心話：「諗自己。」全場即時爆笑咗，仲以為佢係笑料唔唱得，點知一
開聲成個黎明，結果攞得全晚最高 18分，連森美都讚佢係翻版黎明。
採訪、撰文、攝影：娛樂組