「辦公室喜劇」播到殘 睇足4年唔識笑 38%被訪者期待祥仔救《天晴》
http://news.singtao.ca/toronto/2010-09-24/entertainment1285306704d2749272.html
TVB的八點半處境喜劇《天天天晴》，播出至今成績未見突出，收視只徘徊在25點附近，
口碑更遠比07年《同事三分親》、08年《畢打自由人》及09年《女王辦公室》遜色，原因
何在？市民直斥因為睇足4年辦公室處境劇，了無新意，當真唧都唔笑！近日《天晴》終
於等到祥仔（黎耀祥）出場，他與毛姐開展的感情綫，能否打救低迷收視，兼且挽回觀眾
信心？
《天天天晴》有毛舜筠、黎耀祥壓陣，加上重量級的司棋姐，並且有李思捷、田蕊妮
及王喜助陣，卡士陣容本屬收視保證，可惜6月中播出至今，收視未如理想，上周平均更
跌至23點，口碑更比之前幾部處境喜劇遜色，原因何在？本報為此進行了一次民意調查，
並成功在街頭訪問了50名市民，向他們查詢對近年4齣處境喜劇的意見，以及剖析《天晴
》的收視「死因」。
結果顯示，不少市民認為07年播出的處境劇《同事三分親》，以辦公室作為背景，有
戀情、有恩怨、有搞笑，更有關詠荷撐場，上司變阿媽，大讚好有新鮮感！接着08年差不
多由原班人馬主演的《畢打自己人》，雖然角色不同，但大部分演員都熟口熟面，又是主
力講辦公室發生的事，幸好劇中有個搞笑的大閰生，加上臥底社長與正義老總的感情瓜葛
，最後令大家睇到不捨得大結局，創出辦公室處境劇的高潮。
到09年接力的，又再是另一齣以辦公室做背景的《女王辦公室》，其實觀眾開始睇到
反胃，幸好搞笑本色未減，市民表態認為最好睇的，絕非阿姐及阿詩的Office內鬥戲，反
而是屋邨裏幾戶人家的輕鬆生活，不時笑到噴飯。
到今年6月出街的《天天天晴》，一而再，再而三地用辦公室講故事，演員又跟《同
事》、《畢打》三分似，予人重複又重複之感，結果播了3個月後，收視「30點不露，20
點力保」，到底市民認為《天晴》的困局在哪？
期待「祥毛」破悶局
死因：4年如一，得票率26%，第1位。
「一向以為TVB啲編劇唔使做，估唔到真係咁懶，4年嚟嘅處境劇都係用辦公室做背景，講
嘅都係辦公室戀情、是非、恩怨，新意欠奉。」
別忘記處境喜劇每次播足幾個月，4年來換湯不換藥，即使劇情和演員再吸引，也會物極
必反。「美國啲處境劇都會用醫院、警局、學校、捉鬼、特務做背景，可能講嘅都係情情
愛愛，是是非非，但起碼畀觀眾有啲新鮮感。」07年播映的《同事》收視、口碑雙收，今
日《天晴》的成績差強人意，足證觀眾已失去耐性，始終片種要夠多元化，有新鮮感，才
獲收視保證。
死因：劇情兒戲，得票率20%，第2位。
「睇呢啲處境劇，都係想得啖笑，最啱送飯，今次《天晴》想嚟個反傳統，先鋪排一段恩
愛婚姻變質，井喬（毛舜筠飾）同Edmond（鄭子誠飾）分手，再引入阿細（黎耀祥飾）展
開新戀情……」不少被訪者坦言，敗筆是編劇一直塑造Edmond為100%完美老公，對公司盡
忠、對老婆有情有義，但為何遇上狐狸精Kitty時，可以極速反面？三言兩語就休妻，一
聲不響就攬住二奶遠走天涯？「呢個分手結局睇到我O晒嘴，好明顯係編劇們要騰空個位，
畀祥仔出場，同毛姐開始感情戲，但都唔係咁落雨收柴啩？令人覺得好兒戲、好牽強。」
死因：大材小用，得票率16%，第3位。
由70年代演《啼笑姻緣》、《小婦人》的司棋姐，90年代已一手撐起《真情》成頭家，近
年在《溏心》做大契，為保家園單挑細契，一隻眼睇得出係人係鬼，兩隻眼更加係證據，
法庭都唔使去！到《家好》演荷媽，一條友踩上紅姨屋企講數，為老餅店打下連場精采保
衞戰，司棋姐絕對是幾百萬香港市民心目中的女超人！「點解喺《天晴》入面嘅明姑娘，
多數見佢都係喺廚房煲湯？仲要餐餐都係煲鮑魚雞湯？」
有市民坦言，近日《天晴》終於等到祥仔出場，飾演口花花但對毛姐一見鍾情的明醫
生，有38%被訪者期望，兩人的感情戲分，應該可為劇集打開一片新天空，延續《畢打》
社長與老總的一段撲朔迷離愛情故事。
你覺得祥仔加入《天晴》，能否刺激收視回升？
■能夠38%
■不能夠 36%
■不知道 26%
(訪問以50人作基準)
你認為《天晴》口碑欠佳的原因何在？
■對辦公室劇集生厭 26%
■劇情兒戲 20%
■演員大材小用 16%
■其他 38%
(訪問以50人作基準)
開頭講到阿Edmond係完美嘅廿四孝老公，幾集之內就即刻變心兼同隻狐狸精走埋佬，
兒戲啲啩……
何先生︰
我一向對處境喜劇無乜興趣，太長喇，令我覺得為拖劇情而變得婆媽。
錢小姐︰
好似以前啲處境喜劇比較好睇，依家呢部《天天天晴》真係幾悶，來來去去幾部都係
講一間公司裏面發生乜事，太無新意。