吳啟華等劇本自嘲受害人

2010/07/30 太陽報

監製鄧特希拍畢劇集《法網群英》後，被工作人員追討欠薪鬧上法庭，此事除了影響聲譽
，對吳啟華亦有影響，皆因他轉做製作人，現正苦等鄧特希的劇本。

吳啟華與鄧特希合作多年，自04年拍罷《俠醫傳奇》後，兩年前再度合作拍《法網群英》
，但鄧特希早前被工作人員追討欠薪，更要打官司，由於官非纏身，令他無暇撰寫新劇本
，故令他與啟華旗下公司合作的劇集亦未能開拍。

 吳啟華與鄧特希（左）對於新劇《法網群英》收視沒有想太多，但求多些華人看到便滿足
。
將會兼任製作人開劇的吳啟華，笑言辛苦不少。

吳啟華密謀年底開新劇，但獨欠金牌監製鄧特希的劇本。

問鄧特希官司有否影響其信譽時，啟華即搶住笑說：「對我影響最大，因為搞到啲劇本遲
晒！佢要為單官司做好多嘢，好忙，我同製作人、老闆傾拍劇，一講鄧特希，佢哋就問係
咪畀人告嗰個，但其實問題唔大，只係誤會，希望件事快啲有判決。」

搵大宇Bobby客串

啟華現居於北京，堅持每年只拍一劇，他亦已籌備公司，實行轉做製作人，現寄望年底開
拍劇集。他說：「巫啟賢係我鄰居，佢間公司有唱片部，我會加入去做影視製作部，投資
已經搵晒，係等鄧特希嘅劇本。」他又指已大打人情牌，連老友陶大宇、歐陽震華（
Bobby）亦已聯絡，他不諱言：「套劇好多個古仔，每個案件會搵唔同嘅人客串，我見到
啲朋友都會傾吓，不過好多啲期都好難就，而我就會飾演法醫一角。」

另外，對於《法》劇終於在亞視播出，收視方面，啟華坦言沒有多想：「始終喺亞視播，
幾好成績收視都唔會太高，但只要肯播，內地好多人都會睇到，全球華人都可以睇得到。
」