為鄧特希甘做免費勞工 呂頌賢獻身激戀張文慈

2010/08/06 蘋果日報

張文慈和呂頌賢在亞視劇集《法網群英》中有段兵賊情緣，劇集背後，呂頌賢和監製鄧特
希則有段情比金堅友情，劇集拍完至今兩年，呂頌賢縱然未收酬金，仍力撐為兄弟兩肋插
刀，張文慈今次則是約滿亞視最後一擊，希望不會令大家失望。

兩年前由鄧特希監製的劇集《法網群英》拍攝中途波折重重，直至近月劇集終重見天日在
亞視推出，收視反應有望更高，主線除了有吳啟華外，飾演督察的張文慈和卧底呂頌賢一
段感情都相當搶戲，兩人在劇中要演繹愛得浪漫、激情又轟烈的戀愛，難怪兩人講起劇情
時都咬牙切齒。

戲份越來越多

張文慈拍攝初期感覺錯亂，她直說：「有時拍完都唔知做乜，加上做督察好多專業對白，
我記憶力係弱項，講感情就冇問題啦，所以當時難以捉摸。」但張文慈仍感激鄧特希貼身
訂做角色，令她可以作新嘗試，她又乘機投訴呂頌賢戲份越加越多，呂頌賢說：「我角色
只係串連其他主線，未必係主角位，每套劇都要呢個位，總之拍鄧特希啲嘢唔使加多減少
，照做就係最好。」

「仲未收到錢」

《法》劇當年由製作公司開拍，起用了部份亞視合約演員，其餘則是部頭形式合作，酬金
爛尾早有所聞，呂頌賢對此說：「係呀，我?家仲未收到錢，追咗咁多次都話冇，我都唔
再追，但我同鄧特希認識多年，一拍即合，當係為兄弟兩肋插刀。」呂頌賢當年由亞視轉
投無綫，現在自由身亮相亞視，嚮往冇合約束縛，還說：「無綫搵我我都會做 o架，但佢
唔搵我啫，我近年工作重心都喺內地多。」張文慈則已約滿亞視，暫未有去向。

張文慈感激鄧特希為她貼身訂做角色，呂頌賢（圖左）則視鄧為好兄弟，故兩人落力宣傳
新劇。

採訪：卓寶花
攝影：陳俊強
化妝： Kathy Lam of Ciao Bella
場地： Patrick So of HH hair