蘇永康處男牀戲  萬綺雯自己顧自己

2010/08/14 忽然一週785期

唉，有得睇冇得食！（設計對白）

無綫套《女人最痛》又被指抄襲《 Ugly Betty》，唉，抄完日劇抄美劇，最痛嘅應該係
觀眾至真。

抄都算啦，至慘係抄到不倫不類，愈睇愈無聊，索性轉睇亞視嘅《法網群英》。嗱，套劇
嘅風格，完全係《壹號皇庭》同《妙手仁心》嘅倒模，但劇情推進快，人物又多，卡士絕
對拍得住 TVB啲大製作，不過好多人都冇出嚟幫手宣傳。

其中一個就係蘇永康，佢依家同TVB做緊主持，所以就唔能夠幫《法》劇宣傳。其實佢喺
《法》劇戲份好重，仲有場破天荒處男牀上戲，對手更係有「翻版常盤貴子」之稱嘅徐
自賢添。康仔終於執番支好籤，但康仔就話：「好乜鬼呀，講佢同我按摩咋！」嗱，有
得同個咁索?靚女同?，點都好過冇呀，係咪！

《法》上周嘅祝捷會上，只得（左起）姜皓文、劉錫賢、萬綺雯、監製鄧特希等出席，人
丁又真係薄弱啲。

劇中徐自賢飾揼骨妹，同飾律師嘅蘇永康因一單錢債案而結緣。

後尾徐以幫蘇揼骨嚟償還律師費。蘇永康為呢場戲而操弗身形，都睇得下喎。

萬綺雯自己顧自己

萬綺雯早到咗商場，企喺度呆等。

想當年《我和殭屍有個約會》超爆，長腿姐姐萬綺雯算係亞視嘅當家花旦。不過自從嫁咗
俾編劇陳十三後，佢就減少幕前演出。今次喺《法》中佢演法醫，排名雖唔及陳秀雯同張
文慈，但後尾會同吳啟華發展感情線，戲份愈嚟愈重。

早前，媽咪姐喺又一城撞到佢為《法》拍宣傳照，但一個助手都冇跟身，全程自己顧自己
。咁講啦，喺亞視做嘢，真係要全能 o架！

等咗十幾分鐘，至有工作人員嚟到帶佢去附近嘅公園影相。

影完相，佢又係自己一個人，邊行邊 call朋友嚟接佢。