[忽然一周 第758期]揞名爆 「頭糊」唔肯做宣傳

三色台套《人畜關係》，喺叫好又叫座之下散場。講到入面嘅角色，媽咪姐最鍾意「頭糊
」做嗰個表面女強人，實則神經質到爆嘅有錢女。但又好奇怪，套劇次次做宣傳，從來都
冇見過「頭糊」出過嚟。早兩日，媽咪姐踱入三色台，咁啱撞到一個有份幫套劇搞宣傳嘅
老友，於是一手掹住老友，要佢幫媽咪姐解開呢個謎。

老友話講起嚟真係好笑。原來一開始冇乜人睇好呢套劇，諗住不過不失已還得神落。但既
然要播咯，點都要出嚟谷吓 o架。但你知「頭糊」呢位阿姐啦，啲脾氣真係似足劇入面佢
嘅角色，神神化化咁，佢認為套劇麻麻哋，所以唔想嘥力氣做宣傳，次次都藉詞推搪，就
算出到監製一樣叫唔郁，公司都冇晒佢符。

講真，「頭糊」啲戲不嬲唔錯，就係咁嘅性格令到佢始終做唔到一姐囉！