《老公萬歲》抄亞視   (3週刊 第543期)

無綫劇集近期成日俾人話抄襲，繼之前《宮心計》俾人話抄韓劇，《老友狗狗》俾人話抄
亞視劇集，近日又有網友話無綫熱播嘅《老公萬歲》係抄襲亞視劇集，但竟然係一套胎死
腹中嘅劇集？

無綫嘅《老公萬歲》真係是非多多，主題曲被指抄襲發哥首〈大丈夫〉之後，近日又再被
網民喺討論區直指，《老》劇係抄襲亞視幾年前胎死腹中嘅劇集《男人、女忍？》，未聽
過？亞視曾計劃開拍嘅劇集《男人、女忍？》，當時宣布有陳秀雯、張達明、林偉辰、張
文慈主演，故事大綱的確同《老公萬歲》有啲似，主角都係三對夫婦，內容都係圍繞佢哋
夫妻間嘅攻防戰同埋及夫婦相處之道等，雖然主題係一樣，但呢劇拍都冇拍，咁就話無綫
抄佢，又的確係離譜啲嘅。

三哥苗橋偉、張可頤主演嘅《老公萬歲》，繼主題曲風波後，又被網民指抄襲亞視胎死腹
中嘅劇集

亞視幾年前在節目巡禮中曾介紹過，由陳秀雯、張達明、林偉辰、張文慈主演嘅劇集《男
人、女忍？》，但未開拍就胎死腹中。