我的渾噩年代 黃浩然
2010/09/04 忽然一週788期 http://bbs.ent.163.com/bbs/tvb/186124298.html
黃浩然不如想像中開朗。
疏遠而有禮，內歛但合作。
由《孤男寡女》的靚仔 Roger；搖身一變《新紮師妹》的儍戇劍雄；在《 PTU》遭恩師杜
琪峰批評屎戲後，跳入電視圈，事業嶄露曙光。先是《碧血鹽梟》飾演癡情病君，後有《
情越雙白線》邊緣憤青，再來是近日《公主嫁到》的純情少爺。.
每一個角色，每一種試煉，黃浩然都努力嘗試。
「我演技有排都未算好，只可以話有人留意，多咗人鍾意我做戲。」
進步不驕，被彈不餒，黃浩然有更大的抱負。
「我希望 5年內做到杜 sir嘅要求。」
從大銀幕走進公仔箱，十四年時間，無非為一個堅持，不想再渾噩過日子。
演員係海鮮
拍電視比拍電影辛苦。黃浩然計過數，一集劇除去廣告淨計四十五分鐘，兩集個半鐘，幾
乎等於一部電影。如此推算，拍一套四十集長劇就是 20部電影。
更攞命是，一拍十八、十九個鐘，閒閒哋五、六十個鐘冇得瞓。黃浩然強調，藝人正常情
況一個月拍十集，過去一年他已拍了一百三十集。忙碌、得寵、辛苦成正比。《公主嫁到
》出場一幕，他既要剝衫又要晒功夫，氣溫只得六度，朝七打到晚六，辛苦但滿足。
做戲係我興趣，只係天份低， pick up得慢，拍咗幾部戲仍未搵到方向，戇戇居居唔知做
乜。直至《新紮師妹》做「劍雄」一角，唔扮型唔靚仔，反而仲受人讚賞，先搵番少少演
戲樂趣。後來由電影跳入電視，唔習慣流水作業。要埋堆，我唔識；送貴手袋冧高層，我
又冇錢送。人哋話「咁咪唔紅囉」，如果係咁都冇辦法。我只堅持做好本份，唔做 extra
嘢，呢個係我底線。
我信有麝自然香，人哋有需要就會搵我。拍添哥（監製李添勝）套《碧血鹽梟》，以至《
巾幗梟雄 2》，我從冇主動搵過佢。王心慰《 Only You》我客串兩集，最近佢新劇《真
相》開拍都預埋我。
世界好現實，《情越雙白線》如果收得 4點，我打咗柴，冇人理我啦。依家《雙白線》平
均收視三十一，有二百幾萬觀眾睇，對我演技無疑係一種認同。不過都係平常心啦。《雙
白線》做個男主角就當正自己一線？喂，聽日隨時跌番落七線都得。你可以話我值一百萬
、一千萬；亦可以話我送都冇人要。
做演員，其實好海鮮價。
第二個恩師
黃浩然有此諗法，不難理解。家族有七間海味舖的他，中五未畢業貪得意走去做臨記，拍
《呆佬拜壽》、《救世神棍》，捱更抵夜先得雞碎咁多。中七準備入城大修讀電腦，暑期
做 model時被杜琪峰睇中，成為旗下新人。黃浩然本打算做歌手，還學了幾年唱歌。可惜
98年金融風暴，跟杜琪峰過了去「中國星」拍戲，處男作《十萬火急》飾演消防新丁，
角色雖小，至少可跟劉青雲合作。其後陸陸續續參與不少演出，前途一片光明，二○○○
年拍攝《孤男寡女》，黃浩然升呢做第二男主角，與劉華爭鄭秀文，現實中做不成 IT才
俊，卻憑戲中的 IT鉅子造型一鳴驚人。只可惜無以為繼。○三年拍過《 PTU》之後，就
未再跟杜 sir合作。由愛將變為棄將，原因係黃浩然演技差。`
我問杜 sir我啲戲係咪好屎，佢答係。真心錫我先講真說話，我冇意志消沉，唔得就做到
得為止，入電視台練好演技囉。電視台有度好，日日面對不同對手、不同導演，每一個都
令我學到嘢。
最大啟發係 Kent哥（鄭則士）。拍《雙白線》之前日日上佢屋企研究劇本。第一集講佢
打我，劇本冇寫點打， Kent哥就問我可唔可以接佢四巴掌，我諗都冇諗就答應咗。到埋
位時，佢一巴又一巴冚落嚟，我成塊面腫晒。不過效果好好，今時今日仲有人講。"
跟 Kent哥就好似上短期演技速成班。有時冇戲份，我都會去片場留意佢，因為 10年後我
可能要演繹同樣角色。一日十場戲，你佔六場，其餘四場你可以打機、吹水，我就會選擇
睇人做戲。
事實證明真係有用，睇得多演技會改進。以前個樣唔自然、格格不入，淨係得個殼，睇番
《孤男寡女》都覺得好肉酸，完全唔合格。依家喺 TVB做咗四年，唔能夠話好好，演技都
叫見得人，我會俾自己七十分。
自《 PTU》後，黃浩然、杜琪峰雖未有再合作，但兩人私底下很 friend。
杜琪峰說黃浩然在《 PTU》中，只有一個表情做得啱，演技仍有待改進。
○五年夥拍葉璇拍攝亞視《情陷夜中環》，首次做奸仔入型入格，最高收視十四點，引起
一陣熱話。
《東山飄雨西關情》是加入 TVB後的大製作，當年宣傳片播出後，黃即收到數十個恭喜電
話。
鄭則士、黃浩然合作過《老友狗狗》、《情越雙白線》兩齣劇，默契十足，關係亦師亦友
。
新作《公主嫁到》跟關菊英、陳豪關係融洽，戲裏戲外玩個癲。
皇牌劇《巾幗梟雄 2之義海豪情》跟鄧萃雯、黎耀祥、惠英紅對戲，黃浩然自言獲益良多
。
一紙承諾
這七十分得來不易，黃浩然日夜磨練，以時間、努力換取成績，卻犧牲了與老婆相聚時間
。幸好老婆係形象指導，半個圈中人，知道藝人作息唔定時，明白圈中多誘惑，但對老公
百分之百有信心。
兩人○二年拍攝《新紮師妹》時邂逅，拍拖三年多，於○五年結婚，當時黃浩然只得三十
歲。
個個都問我點解咁早結婚，當時冇太大 planning，只係腦海突然「叮」一聲，覺得冇可
能搵到個更好，於是結婚。
其實老婆同我經歷咗好多事。拍拖初期，外父、外母都有反對，覺得做藝人多數好花弗，
又覺得我未定性，對佢個女究竟係堅定流 o架？
○六年結婚之後，入 TVB之前，我突然冇工開。前一年仲拍緊六十集內地長劇，有七部戲
喺手，邊個諗到會搞成咁？九個月以來，只係開得十零日工，冇心機又唔敢出街，日日
hea喺屋企，好彩老婆不斷鼓勵。依家工作總算有小小成績，雖然拍劇好忙，但我哋經常
俾 surprise對方，互送小禮物。
圈中誘惑多，跟女同事合作要小心。不過佢哋好專業，工作還工作，玩還玩，好似陳法拉
喺微博識咗我老婆，佢哋久唔久就會傾計。大家都知道對方底線，其實結得婚就預咗天長
地久，未來我唔知會係點，呢一刻除咗老婆，冇人令我心動過。有人話一紙婚書好簡單，
就係咁簡單嘅承諾都履行唔到，仲可以講乜嘢？
老婆莫家嘉任形象指導，出身富裕，外父莫英儒有過億身家，曾是頭馬「超理想」的馬主
。
上環擁有的七間海味店，全屬姨丈和姨媽，黃浩然再次澄清自己不是太子爺。
黃浩然甚少緋聞，唯一傳過的只有官恩娜（左）。據說兩人因拍攝電影《戀性世代 I Do
》而撻着。
X你
訪問當日，是菲律賓悲劇之後三日。
黃浩然全程不慍不火，惟獨討論動 L巨星在網上胡言亂語時，先表現激情。
「乜嘢冇仇恨？如果佢個仔係人質，佢會點？聽完佢廢噏，我第一個反應係想講『 X你』
。」
講得好，對付落後的特種部隊、無能的總統、講嘢唔用腦的人，最好方法是付諸行動 X過
夠。想不到黃浩然演技有火，講起呢件事更好火。
撰文：陳盛怡
攝影：陳偉強
協力：林碧洋、陳兆基
形象： William Ma1
服裝： izzue
髮型、化妝： Johnathan Y.@fine.style.