公主驕語第九話 馬國明木口木面好人難做

2010-09-28  蘋果日報
http://bbs.ent.163.com/bbs/tvb/188017072.html

馬國明在劇中扮演官媒一角，他施展渾身解數滲入不少搞笑元素。　攝影：彭琮然

馬國明入行十年，近年才漸露頭角，獲力捧做新一代小生，不過經常做好人、做儍仔，總
是跳不出框框，就正如在《公主嫁到》中，他正正就是做一個冇變化又呆板的官媒，跟陳
法拉正正常常發展一段情，更無緣跟金家三兄弟一齊搞笑。　撰文：楊潔雯

不知是不是馬國明本身的個性呆板，所以很多監製找最佳男配角做好人、做儍仔、做乖仔
，總是想起馬國明，出道至今，他未做過壞人，今次在《公主嫁到》飾演的官媒丁有維，
就是一個墨守成規，木口木面的書生，他說：「我做一個官媒，我講啲嘢都幾悶，係同陳
法拉有段情，之後發現我的身世，仲係會影響個國家。主要搞笑都係金家三兄弟。」

劇中馬國明和陳法拉由鬥氣寃家變成情侶，兩人的演出搶去不少鏡頭。

馬國明表示拍《公》劇時和蔣志光（右）及李國麟等前輩合作，當中獲益不少。

搞笑最難拿揑

《公主嫁到》是一套喜劇，但馬國明冇份搞笑，他都有點失望，不過只是觀摩其他人演喜
劇，他已經學了不少，他說：「我知道喜劇真係好難演，因為喜劇係幾難拿揑到，差少少
就由笑料變無聊，再加埋其他人襯托，搞氣氛，先會有好嘅效果，《公主嫁到》嘅成功就
係靠所有演員的合力，金家三兄弟表現合拍，祥仔又係搞笑高手，成日會即場度橋，令到
套劇效果好好。」
馬國明鍾情演喜劇但沒太多機會嘗試，在他心目中，周星馳是喜劇之王，他說：「冇得講
，係星爺，佢套套笑片我都有睇，最鍾意就係《少林足球》，故事好完整。」馬國明又覺
得星爺已到喜劇的最高境界，他說：「做喜劇嘅最高境界係自貶，挖苦自己令到大家開心
，自貶又唔會得罪人，呢個係最高境界。」

等機會演壞人

多年來被定型，不過早前他在《談情說案》中飾演的多情勇幹探，同樣搶鏡，第一次演花
花公子，得到不少人讚賞，他說：「好多男觀眾都好鍾意我，邊有男人唔想風流。好多人
話估唔到我可以咁 playboy，原來我都可以幾型，所以話邪邪哋係多人鍾意，做乖仔真係
冇乜好發揮，越好人越難做。」
做了一次邪邪哋風流幹探，馬國明終於可以破格演壞人，他說：「o依家拍緊《女拳》，
我會慢慢變成一個壞人，之後係一套新劇，我終於有機會做一個真真正正的奸角，會有更
多內心戲，所以我真係好開心，我最希望係做到喺街俾人指住嚟鬧嘅奸人，咁先至叫做成
功。」

撰文：卓寶花

近年馬國明穩佔小生一位，不枉他多年來努力鑽研角色。

笑聲之最：最好笑同劇男演員　阮兆祥

「其實佢三兄弟都搞笑，如果真係要我揀，我會揀祥仔，因為好多時度橋，都係祥仔嘅主
意，佢搞笑天份好高，所以我揀佢。」

最好笑同劇女演員　佘詩曼

「女我都係揀阿佘，佢做個刁蠻公主都好搞笑，發揮得好好。」

最好笑自己演出的一幕　金家兄弟公堂 Rap

「我做官媒，咁最深刻就係有一場戲係公堂上面，三兄弟係突然喺公堂度 rap，呢個係祥
仔嘅意思，雖然我無份 rap，但係睇住佢哋都覺得真係幾好笑，好有意思。」