公主驕語第一話 陳敏之癲狂公主玩自閉

2010-09-08 蘋果日報 http://www.tvbchannel.com/sharon-chan-mania-princess.html

陳敏之在無綫劇集《公主嫁到》中扮刁蠻霸道的大公主，但她強調現實生活中並沒公主病
。攝影：陳順禎

陳敏之在熱播中的無綫劇集《公主嫁到》入面扮演大公主，為人黑心又刁蠻，因為妒忌三
公主佘詩曼，不惜耍陰招爭寵，但最後落得趕出宮兼貶為庶民，一無所有。敏之失寵變得
失心瘋，為了把抑壓的情緒完全釋放出來，她表示拍攝該場戲前大玩自閉培養情緒。　撰
文：楊潔雯

陳敏之在無綫劇集《公主嫁到》中扮演永河公主，因妒忌三公主佘詩曼，不時設計陷害，
劇情還交代陳敏之欲收買名妓姚子羚破壞佘詩曼和駙馬陳豪之間的感情，幸好奸計不得逞
。

《公主嫁到》的五位公主服飾漂亮，但大公主陳敏之的頭飾過重，導致頸骨移位。劇照

陳敏之在劇中經常欺負個性懦弱的大駙馬蕭正楠。

陳敏之為了演繹失心瘋公主，拍攝前要獨坐一旁玩自閉來培養情緒。



公子病代替公主病

身為大公主的陳敏之，是五位公主中性格最刁蠻又最霸道，不僅常常欺負駙馬蕭正楠，又
陷害佘詩曼，最後雖然免了死罪，但要貶為庶民，遭趕出宮。陳敏之日前接受訪問時說：
「咁我係最大嗰個，梗係要話事啦！所以我成日要人聽我話，又會針對阿佘，後來搞到公
主內訌，我個下場都幾慘。」

陳敏之演繹大公主，擺明公主病上身，但她澄清現實生活的她絕無公主病，她笑言：「老
實講，我真係冇公主病，公子病我就有，我本身好鍾意照顧人，出街食飯又爭畀錢，個人
又男仔頭，得個外形係一個女人。」

談到最喜歡自己的一場戲，敏之透露日內便播出，她說：「場戲講述我犯錯，俾父王懲罰
收番晒我所有嘢，我變得一無所有就失心瘋起嚟。」這場戲給予敏之很大的發揮空間，為
了培養情緒，敏之指收到劇本後即狂刨狂咪，她說：「因為發癲，所以對白唔多，最緊要
反而係個情緒，拍攝前我就坐埋一邊自閉，培養好感情爆發出嚟。拍完呢場戲之後，我成
個人都立即鬆晒。」

頭飾過重頸骨移位

劇中敏之的戲服華麗，但原來美艷背後卻十分辛苦，她表示每天頂着幾磅重的公主頭飾通
宵拍戲，苦不堪言，最可憐是出現頸骨移位情況，當她緊接拍攝新劇《怒火街頭》時，又
不慎跌一交導致鎖骨跌斷，認真黑過墨斗，她說：「都係，今年都唔知做乜！不過可能係
整定，個天想話畀我知我要唞吓，所以發生咁樣嘅意外，之前都睇好多醫生，鶽家鎖骨都
復原得七七八八，係要做少少運動等佢癒合得好啲。」

瘦骨嶙峋的敏之已楚楚可憐，又無故發生多宗意外，雖說是命中注定，但她心中仍猶有餘
悸，她說：「講真，真係有陰影，唔好話我會唔會接危險動作戲，相信公司都怕咗我，唔
會畀我拍呢啲劇，我諗都係做番文戲好啲。」

服裝： Guess
化妝：非常作 of MAKE UP FOR EVER Academy
髮型： Marco of Hair Culture
場地： Aqua

笑聲之最
最好笑同劇男演員　陳豪
「我覺得阿 Mo（陳豪）好有演喜劇天份，佢會為演角色加好多小動作，又會翻白眼，豐
富咗個角色。」

最好笑同劇女演員　佘詩曼
「阿佘好戲唔在講，佢呢次演刁蠻公主演得嚟唔乞人憎，又不失可愛，真係好難得。」

最好笑自己演出的一幕　敲蕭正楠頭
「有一幕係我呼喝大駙馬蕭正楠，仲用金器敲打佢嘅頭，搞到佢暈咗，要搵人拖佢出去，
我覺得呢一幕我出場好有大公主氣勢。」