公主驕語第八話：菊姐升級做阿媽「咁先過癮」

2010-09-27 蘋果日報

http://www.susannasky.com/bbs/read.php?tid-3291.html

唱家班出身的關菊英， 06年回歸無綫後主力拍劇，復工初期曾經表示對拍戲信心不大，
不過事隔多年變成越拍越鍾意，下次更想挑戰小人物角色。對於今次在《公主嫁到》中升
級做阮兆祥、陳豪和黃浩然的阿媽，菊姐坦言不介意，最重要是角色有發揮，她說：「咁
先夠過戲癮。」

撰文：何慧斯
攝影：陳順禎
場地提供： The Continental Club（ Gateway Hotel）

關菊英 06年回歸無綫後主力拍劇，從《東方之珠》的朱小嬌、《溏心風暴》的細契、《
溏心風暴之家好月圓》的 Sa姨、《宮心計》的阮翠雲，直到今日《公主嫁到》的丁來喜
，演技備受讚賞，日前菊姐在尖沙嘴接受訪問，問她最愛哪個角色時，她坦言未有刻意去
想，不過今次認真過足戲癮，她笑說：「我個個都鍾意，不過我覺得最緊要係有得做，我
最鍾意次次做唔同嘅角色，咁先夠過戲癮。」

戲份重自覺幸運

記得菊姐復工初期曾經表示對拍戲信心不大，事隔多年重提此事，她說：「初初真係冇乜
信心 o架，不過?家越拍越鍾意，拍戲過程又過足戲癮。我覺得自己好 lucky，公司肯畀
呢個機會我，呢幾年拍戲我次次都做唔同類型嘅角色，而且仲係好重戲份，對藝人嚟講，
機會係好重要，冇機會就算你做得點好都冇用。」菊姐補充說：「做演員拍得辛苦唔緊要
，最緊要係觀眾睇得開心，呢個回報好過有獎攞。」

今次菊姐在《公主嫁到》中，飾演金家的掌舵人丁來喜，專責排解糾紛撐住頭家，同時更
是阮兆祥、陳豪和黃浩然的娘親，不過菊姐與祥仔在《家好月圓》飾演夫婦，今次升級做
人阿媽，問她會否介意？菊姐大方笑說：「有兩個係大婆生而唔係我親生，如果真係講我
生佢哋就難信啲，不過我自己唔介意，最重要係做出嚟人哋會感覺到，況且以前啲人 10
幾歲就結婚生仔，所以個仔咁大個真係唔出奇。」

讚三哎吔仔乖巧

提到三個乖仔，菊姐當然讚不絕口，她說：「今次三個仔對我同琴姐都特別照顧，佢哋個
個好乖巧，好以祥仔成日講笑話?我哋，浩然成日拖前拖後咁照顧琴姐，陳豪又成日整咖
啡畀我哋飲，同法拉、阿佘（佘詩曼）又相處得好融洽，感覺真係好似一家人，所以我都
覺得自己好好彩，每一次拍戲同對手都合作得好愉快。」

菊姐續說：「我好想同呢班演員 keep住合作，始終合作過好多次，好多嘢大家一講就明
，同越熟嘅對手拍戲，梗係越做越好，最好耐唔耐加吓啲未合作過嘅人，我相信好容易擦
出火花，仲好有新鮮感?！」

挑戰小人物角色

有否想過下次想做哪類角色，菊姐想了一會說：「諗唔到喎，睇公司安排，我拍戲唔係好
多，所以有好多角色都想試，但係最想下次開時裝戲，最好試吓做小人物，好多嘢講嗰啲
，好似當年李司棋嗰部《山水有相逢》。」不過菊姐月底將會主持新音樂節目《金曲擂台
》，屆時會邀請歌手和藝員鬥唱經典金曲，相信這拍劇計劃有待實現了。

笑聲之最

同劇男演員、女演員　李國麟、韓馬利

「我覺得李國麟同韓馬利佢哋兩個真係好合拍，成日都襯到絕咁出嚟，真係好似周啟邦同
佢太太咁。」

最好笑自己演出的一幕　綁架撞正行雷

「有一場講我、李國麟同韓馬利俾人綁架，我哋夾計打暈一個綁匪，點知預備走嗰陣又有
幾個綁匪返嚟，混亂間李國麟同韓馬利走咗，本來佢哋諗住唔理我自己走，點知撞正行雷
，怕做咗虧心事俾雷劈，跟住死死氣返轉頭救我。」