馬國明多謝珍姐  (忽然一周762期)

珍姐誠心上香，祈求開鏡大吉。

多謝珍姐！
呢句說話，係媽咪姐代馬國明向曾勵珍講嘅。唓，又唔係台慶頒獎禮，做乜要多謝珍姐？

話說上周五（ 2月 26日），《公主駕到》開鏡拜神，現場演員之多，寫晒出嚟可以填滿
成版。到拜神嗰陣，企前排班主角，人人手持一份冥鏹，可以話係身份嘅象徵。但珍姐忽
然嗌咪住，吩咐工作人員將一份冥鏹交俾企喺第三排嘅馬國明。嘩，馬國明即刻畢恭畢敬
咁上前接過份冥鏹。佢嗰一刻嘅心情，係咪開心過攞獎？係咪要多謝珍姐？

前排重頭演員每人捧住一份捧冥鏹。

三排馬國明點名獲頒「冥鏹」一份。

嘩，得到高層特別關照，俾執到金更開心啦！

林峯累事

儀式期間，林峯路過，好乖巧咁同琴姐拜年。琴姐喺手袋攞咗封利是俾呢個《溏心風暴》
嘅乖孫。點知俾其他演員見到，一哄而上。琴姐利是本來限額派放，變咗係人都有囉！