蔣志光慳家

2010-10-09 忽然一週793期

大富由天，小富由儉嘛！（設計對白）

《公主嫁到》已經大結局，收視最高有成 45點，成績一啲都唔失禮。
成套戲除咗佘詩曼飾演嘅公主、同陳豪演嘅多祿備受讚賞外，其實蔣志光飾演少府監嘅羅
道遠亦好搶鏡。歌手出身嘅蔣志光，因為歌唱事業未如理想而決定封咪，之後喺無綫拍劇
，雖然拍咗半百部劇都係大配角角色，但佢啲戲一啲都唔差，劇接劇日日有工開。

不過，收入唔少嘅佢依然慳家。上周三（ 9月 29日）凌晨，媽咪姐搭港鐵將軍澳線返屋
企時，咁啱見到羅大人坐係對面，睇佢個樣攰到爆燈咁，應該啱啱收工。做到咁夜都唔
 call的士返屋企，藝人之中都算少有。

無論係《宮心計》嘅大好人布公公（圖），定係《公主嫁到》嘅大奸狗羅道遠，志光都做
得恰到好處。

凌晨 12點至收工，個樣攰到爆嘅蔣志光，冇 call的士，情願搭巴士到將軍澳轉地鐵。