做奸仔沮喪迷惘 黃宗澤最想發姣

http://www.tvbchannel.com/zh-hk/bosco-made-jiao.html
2010/09/02 蘋果日報

黃宗澤在無綫劇集《摘星之旅》上首度飾演奸角，他坦言因對角色有期待，令他出現情緒
低落兼迷惘的時刻，冷靜過後，他希望將來有更多做奸角的機會，有信心自己「奸得好」
。

黃宗澤早前在電視城為《摘星之旅》接受訪問，提到首次飾演奸角， Bosco笑說：「今次
真係幾好玩，早排 Tommy（《摘》監製梁家樹）爆畀我聽，原來佢哋最初考慮我做林峯個
角色，阿峯就做奸仔，不過最後決定搵我做奸，所以今次係誤打誤撞咁俾我碰到呢個角色
，奸得好！」問到 Bosco會否因此而愛上奸角？他說：「都有 o架！我發覺做奸人係可以
擺好多嘢入去個角色度，喺奸人身上做乜嘢都係合理，要我成日做啲公子哥兒又或者好正
氣嘅角色都會悶，自己唔係咁鍾意啲角色太定型，如果可以我仲想做埋好姣嘅角色

Bosco（左）和林峯戲內戲外都是好兄弟，不過劇中他為求上位不惜出賣陷害林峯。劇照

在劇中 Bosco和劉松仁有很多對手戲，他坦言在對方身上偷師。　劇照

演奸角僅僅合格

因為忙拍另一部劇的關係， Bosco表示《摘》劇播映至今只看過少少，問到他對自己演出
的評價，他坦言：「我初初以為自己都 OK，但睇完之後雖然講唔出有乜嘢唔好，但只係
僅僅合格，覺得有好多位可以做得好啲，呢啲情緒加埋令我覺得唔開心、好低落，仲有啲
迷惘，我以前都未試過咁冇信心，可能今次係第一次做奸角，對呢個角色有期望同要求，
只會更加挑剔自己，所以好希望有多啲呢類做奸角嘅機會，我相信下次會做得更好。」

困住拍戲有得着

Bosco表示除了感激陳國邦的開解外，亦很感激松哥（劉松仁）教路，他說：「我好慶幸
拍呢部戲有松哥喺度，佢真係幫咗我好多，未開工之前我成日約松哥食飯研究劇情，佢真
係好犀利，諗咗好多我冇諗到嘅嘢，同埋喺內地拍有一個好處，困住喺一個地方乜嘢都唔
使諗、唔使理，淨係專心拍戲，我哋成班演員差唔多每日收工會約埋食飯，天花龍鳳傾嚇
偈，又研究嚇劇情，真係幾有幫助。」至於收視方面， Bosco說：「以前拍完都會諗嚇呢
套劇得唔得，但係鶽家觀眾嘅口味好難估，所以我只可以做好我自己，唔會去推測。」採
訪：何慧斯攝影：黃文成