愛者得救 田蕊妮 (FACE周刊第141期)
http://bbs.ent.163.com/bbs/tvb/165647186.html
田蕊妮食了兩年齋，信了一年佛。來到影樓點的外賣是茄蛋治加凍檸茶。
坐低做訪問，大部分話題，都不能避免扯到杜汶澤身上，再延伸到佛家思想。
講到早兩年杜汶澤被指衰口臭得罪晒貴人，工作量暴跌，她有感而發：
「聰明係冇用 o架！我老公係一個好聰明嘅人，好多人都讚過佢。但聰明得嚟唔夠智慧。
呢兩年佢睇多咗佛書，智慧先高番少少。我都係！」
再講到她今年有份主演的賀歲片《花田囍事 2010》可以鹹濕古天樂，於無綫發展也漸入
佳境，之前《宮心計》第一集扮劉三好阿媽被讚，拍緊的《 Only You只有您》及下月頭
開鏡的《讀心神探》都孭飛做女主角，仲帶挈埋老公拍住汪阿姐演處境劇《女王辦公室》
。
被指欠債生活拮据的陰霾雨過天青。她「超凡脫俗」地答：「我同老公?家嘅生活好滿足
好開心。我唔覺入咗無綫安全感大咗，因為我唔係要搵一個安全嘅地方，而係想做多啲善
事。我除了識做戲可以話一無是處，拍劇畀我夜晚有機會陪觀眾食飯，令佢哋開心吓，對
世界有啲貢獻。」
32歲田蕊妮語調有點慢，語氣聽落依舊好似有點倔有點寸，聽真啲又有點傻氣親切感。
15歲揀了參加《未來偶像爭霸戰》入行想做王菲第二； 21歲揀了杜汶澤這男人跟他共患
難共富貴； 31歲揀了信佛，每次都傻傻吓地義無反顧，但她相信至少對得住當時的自己
。
發誓冇爭人錢
05年田蕊妮嫁給杜汶澤前夕，做了一堆雜誌訪問，當時杜汶澤仍享受着《無間道》後的傻
強餘威，日日在商台開咪，電影廣告代言人工作排山倒海，由西貢菠蘿輋搬到加多利山豪
宅跟劉德華成龍吳君如陳慧琳唐唐等做鄰居，一口氣連掃十幾隻勞力士，訪問內容清一色
羨慕她嫁得好，可以從此做幸福少奶奶。
之後報章雜誌上的劇情發展，是杜汶澤一朝得志寸爆得罪劉華黎明吳君如俞琤林建岳黃秋
生所有貴人，事業跌落谷底，撤離加多利山下放到元朗，兼欠下一身賭債。
田蕊妮今天堅定地答從沒半點後悔過跟了這男人，更覺幸運可以陪他走過這一段路。
我可以發誓，我哋一蚊都冇爭過人錢！
佢（杜汶澤）呢十年除咗過年同人玩吓魚蝦蟹之外，連一蚊都冇賭過。其實佢連麻將都唔
識得打，十幾年前賭錢都只係賭百家樂。
有段時間我曾經好唔開心，唔想人哋咁樣講佢，寧願被人講嗰個係我。
我拎住本雜誌，同佢講：「不如我哋出嚟解釋！」，點知佢比我冷靜，同我講：「如果抽
離咗唔係用杜汶澤身份去睇呢本雜誌，我其實覺得佢寫得幾好睇，出現嘅人物幾豐富，劇
情亦都應該係咁去鋪。」
我當時真係被佢吹脹！
入咗無綫後機會睇落愈嚟愈多。 12月開鏡?家拍緊嘅《 Only You只有您》做女主角之一
，呢幾日開鏡嘅《讀心神探》仲孭飛做女主角。
喺《宮心計》扮劉三好阿媽江采瓊。雖然第一集就死，但個賢良聰慧個扮相又幾有新鮮感
，唔少網民讚。
前世欠咗杜汶澤？
再講就即係辯駁。唔鍾意你嘅人，講完都只會繼續唔鍾意你。
佢最後同我講：「再講就即係辯駁。唔鍾意你嘅人，講完都只會繼續唔鍾意你。佢哋放我
上封面，係覺得我有價值令佢哋賣到書，咁我希望佢哋賣得好啲啦。」
佢其實皈依咗佛教十幾年，不過講真都係呢一兩年發生咗咁多事，先真係用心去鑽研。
佢成熟咗好多，以前一日食三包煙，?家一支都唔食。
色心有冇細咗？佢把口好花弗，但實際有冇做我就唔知。
感情上係有好多誘惑，但佛學講冇嘢係永恆，新鮮感始終會過去。佢都曾經做錯過一次，
（偷食？）嗯，係結婚前嘅事，不過過咗咁多年無謂再講番啦。明白咗呢個道理。
當時我畀佢自己選擇，一係繼續同我一齊、一係繼續去發掘你嘅新大陸。
我好鍾意聽〈三國誌〉（盧巧音舊歌），因為歌詞令我諗番起發生過呢一件事。
我鍾意佢乜？我真係覺得佢靚仔 o架！
我以前同佢鬧交，會自己心諗：「我究竟前世做錯咗啲乜嘢事，欠咗佢啲乜嘢，點解今世
返嚟要咁樣去還畀佢？」
但?家我好多謝「杜先生」。最多謝佢帶挈我接觸到呢個宗教，換咗一個好嘅角度，去睇
呢個世界。
我上年金融海嘯都輸咗好多……一啲錢，買樓又蝕咗錢。但我多謝金融海嘯，亦都好感激
你哋「壹傳媒」。如果唔係，我哋仲係沉醉喺個甜夢入面，唔識得醒。
俾人講又點？
田蕊妮小時候父母兄長一家四口居葵涌祖堯邨。 15歲參加亞視當年舉辦類似《星光大道
》的《未來偶像爭霸戰》得了冠軍，但被唱片公司嫌她肥、樣老及唔靚而出不成唱片。之
後開始在亞視拍了廿幾套劇。
其間認識了當年欠債避走台灣後回港冇嘢撈入了亞視的社汶澤。最初家人極反對她跟這個
嗜賭花心食煙飲酒吸過毒兼結過婚的男友一起，剛一起時杜汶澤還不時問她借錢。男友
01年離開亞視，於商台同吳君如主持《嘩！嘩！嘩！打到嚟》開始上位，她的「大塊田
」花名及女友身份也令更多人認識。
我平時講嘢語氣好倔冇尾音，只係自我保護嘅一種。
試過有個朋友以為同佢好好，後尾聽到另一朋友同我講：「佢喺出面講你（壞話）喎。」
當時好唔開心，後尾慢慢諗番：「佢講我又點啫？呢個世界本來就充滿誤會，或者我真係
做咗啲令人唔開心嘅嘢呢。」
就算今日做完訪問你寫衰我，都只代表我畀你嘅印象唔好啫。
點解成日覺得人哋會出賣自己。講真，我哋兩個又有乜嘢可以被人呃？
以前就做乜都唔開心，成日心入面諗：「點解佢哋唔就吓我？唔錫我？唔畀機會我？」最
初都有人叫我喺無綫講嘢小心啲，好多是非，但後尾發覺其實又冇乜嘢。
我?家想改變自己，見到每個人都畀一個笑容，令大家道牆冇咁厚。不過香港人好忙，個
個同時拎住電話 SMS，又打機又聽歌，對眼睛都望唔到我對住佢哋笑。
05年擺酒時劉德華同吳君如畀足面做伴郎伴娘。不過之後杜汶澤得罪晒佢哋，仲有報道指
被劉華迫遷搬離平租 3萬嘅加多利山豪宅。《忽然 1周》圖片
學識笑學識喊
《花田囍事 2010》入面田蕊妮有一場強姦古天樂的戲，拍完時全場大笑，最後卻因大陸
尺度問題被剪。不過她照樣感恩地答：「拍完呢場戲，我先知原來自己可以咁放咁搞笑。
我其實好少笑，係一個好怕醜嘅人。（我忍唔住笑咗一下）係咪呢，講都冇人信。」
因為訪問田蕊妮，還是需要上杜汶澤個 blog度望吓先。發覺原來幾好睇，圖文並茂生活
小趣情感真摯。
近期大多關於由他監製、阿嬌孭飛傳有大膽情慾戲的《前度》拍攝花絮。其中一篇的照片
，阿嬌十度天氣衣衫單薄瑟縮街角喪喊。流的眼淚睇落比起上《志雲飯局》時真心 10倍
，比起「好傻好天真」時的表情真實 100倍。
放膽笑同盡情喊，對某些人來說，都需要修為才學會。
佢講我又點啫？呢個世界本來就充滿誤會。
撰文：李翰斌
攝影：林子賢
形象： Bryan@the Flaming
服裝： PINKO、 Thomas Sabo
化妝： CoCoWong.hk