電視週記 讀心神探笑死人
2010-10-09 3週刊574期
萬眾期待嘅無綫新劇《讀心神探》，終於喺星期一播映，套劇果然冇令觀眾失望，真係同
西劇《Lie to Me》似到十足十之餘，期間重要笑料百出，當佢喜劇咁睇，真係一流，難
怪首播當晚，網上即時有幾十頁評論講緊套劇。
笑位一 表情夠誇
有睇過《Lie to Me》嘅觀眾，都知主角Dr. Lightman好識留意犯人嘅「微表情」，但《
讀》嘅犯人嘅表情一啲都唔「微」，好似第一集羅浩楷個case咁，佢幫醉駕醫生兒子頂罪
，但個仔嚟到差館，又掩面又有酒氣，咁其實唔洗林保怡出手，我哋都知佢內疚同身有屎
啦。
至於高海寧單case重搞笑，公司周年晚會嘅錄影帶，拍同剪都咁出色，直頭好似劇集一樣
，呢點已經唔合情理，但曹永廉嗰下好誇張嘅「獰笑」，更加funny，觀眾睇到，真係好
難唔笑囉。
笑位二 搬字過紙
《Lie to Me》入面，Dr Lightman試過引用前美國總統克林頓偷情事件，估唔到首集尾段
，《讀》又抄到十足十，林保怡直頭成段英文讀出嚟：「I did not have sexual
relations with that women……」唔好話阿田聽到呆咗，就連觀眾都呆晒，結果有人話
佢長氣，睇嚟《讀》嘅對白流暢度，真係同《Lie to Me》差天共地。
萬眾期待嘅《讀心神探》終於播映，果然不負眾望，第一集已經俾網狂插佢抄人，難得林
保怡喺宣傳當日，重話冇抄冇抄，只係大家都係講讀心術，題材相似啫。
宣傳當日，林保怡教曉我懐摸下巴代表緊張，眼神閃縮即係不安，咦，好common sense喎
，大家唔需要意外，因為劇集都係咁common sense。
果然唔係抄，人哋《Lie to Me》玩「微表情」，《讀心神探》就有咁誇得咁誇，咁唔洗
林保怡出手，我哋都知犯人有問題啦。
Party video剪好晒已經夠誇，但曹永廉嘅「獰笑」重誇，真係做戲先睇到囉，唔俾人鬧
就假。
最抵死嘅係，《Lie to Me》已經引用左?克林頓偷食事件，《讀》又照抄，好心就避忌啲
，重要講到鬼咁長氣，好難唔笑。
第一集，已經有網民睇到穿崩位，唉，幾時先到大結局。