人工呼吸 《女王》升呢　馬賽濕咀林峯    (face周刊149期)
http://bbs.ent.163.com/bbs/tvb/171462531.html

「認真」製作
林峯是但錫落隻手指度，同馬賽個嘴仲有成吋位，而馬賽跳海亦係用替身（小圖），無綫
製作真係好「認真」。

08年港姐高海寧變無綫咪神接 job搵快錢，同屆季軍馬賽就拍劇慢慢浸，最近喺《女王辦
公室》做清純女秘書「君女」更令宅男流口水，踏出成功第一步。
冧得掂電車仔，最近孖住當家小生林峯拍新劇《約旦有約》，於劇中更攞正牌濕咀林峯，
可惜林公子寧願錫自己隻手指，借位拍都唔肯打真軍。
換轉係鍾嘉欣，林峯擦定牙啦！

《女王辦公室》平均收 24點，劇中飾演純情秘書妹君女嘅馬賽，雖然戲分唔多，不過夠
清純似足隔籬屋個女，啱晒宅男胃口順利升呢電車新寵。

顏射馬賽
拍攝馬賽濕身大頭，貪玩林峯突然攞住支噴霧唧馬賽，仲話：「未夠濕喎！再濕啲啦！」
之後停機又講鬼故嚇女，好撒旦喎！真實對白

跳海戲分有替身，不過為咗配合劇情，林峯和馬賽都要淋濕身拍攝。當日 18度，成桶水
係咁淋，少爺林峯即時嗌：「嘩，好凍呀！」真實對白

馬賽雖然身材嬌小得 163cm，不過勝在個樣夠純，上圍仲係魔鬼 33C，拋少少都攞你命。

冧掂儍羲
馬賽於《女王辦公室》內冧掂電車仔吳卓羲，家陣同林峯拍新劇，遲啲又會同謝天華、江
若琳拍《洪武 32》，真係想捧佢咁款喎！

替身跳海

拍《女王》打響頭炮，最近馬賽又於新劇《約旦有約》做歐陽震華個妹，兼同林峯有感情
綫，孭飛做第二女角。週日（ 28日）《約》劇在西貢取景，劇情講述馬賽為試探劇中飾
演魔鬼嘅林峯有無同情心，專登約林峯去碼頭，然後跳海迫林峯救自己。原本馬賽諗住自
己跳：「其實我識游水 o架！不過監製潘嘉德話驚我哋危險，所以搵替身代我哋囉！」

被工作人員用水照頭淋，林峯第一時間睇吓自己個髮型，第 2時間就係睇個妝有冇沖走。

當日非常大風，加上唔夠瞓，搞到林峯成日用紙巾捽眼，有眼屎唔靚仔呀！

林峯出術

跳海有替身，估唔到連人工呼吸戲分都係借位拍攝，劇情交代林峯要為馬賽做人工呼吸，
但原來林峯唔係好想咀馬賽，覺得同佢個魔鬼角色好唔夾，現場聽到林峯話：「呢場戲唔
係好啱個角色囉，我係魔鬼嚟 o架嘛，點會咁做呀？」不過監製落 order要加咀戲，林峯
惟有走精面，借位錫落自己手指度扮咀咗。
事後林峯好得戚話：「我喺訓練班學 o架！睇落去一樣做到人工呼吸，又冇錫到，幾好！
」對住鍾嘉欣唔見你用呢招嘅？

林峯拍劇超 chok

林峯對靚樣極為講究，不過身形就麻麻，白淨腩肉都唔少，早前佢拍《翡翠明珠》時就被
拍到佢換衫，林峯係時候做吓 gym喇。《忽然 1周》圖片

林峯貴為無綫 No.1小生，靚仔自然多姿整，週日拍攝《約》劇時，每拍一個鏡頭前都例
必照鏡 check真有冇走樣，雖然姿整，不過林峯好捱得，拍攝當日已經 48小時未瞓過。
仲話；「我尋晚開通宵，我喺屋企沖完涼就嚟拍喇。」

咀女三級制

林峯今次寧願錫手指都唔咀馬賽，不過睇番以前，林峯對住姐仔就每次嚟真咀落去，鍾嘉
欣、佘詩曼，二線嘅李詩韻就要反錫佢塊面，今次馬賽就連掂吓都冇機，林峯好分階級喎
！
鍾嘉欣　 06年《溏心風暴》吻女神
佘詩曼　 07年《歲月風雲》咀阿佘
李詩韻　 05年《布衣神相》俾女錫

合成噴血馬賽

《女王辦公室》除咗彈出馬賽，其餘陳爽、呂慧儀亦係網友 honey，仲開 post問邊個最
正，結果網友話馬賽樣＋陳爽 body＋呂慧儀長腳就 perfect，大家又不妨睇吓效果！

採訪、撰文：林通賢
攝影：賴永進