「男仔頭」馬賽靜待Mr.Right

太陽報 2010.05.22
http://the-sun.on.cc/cnt/entertainment/20100522/00470_080.html

港姐出身的馬賽自小愛演戲，近日播出的處境喜劇《女王辦公室》中飾演含羞答答的小秘
書「君女」，與吳卓羲飾演的電車男「阿K」譜出戀曲，但現實中她仍在等待Mr. Right出
現！

馬賽（Sire）認為「君女」與「阿K」可算是天造地設的一對，這段純愛般的戀曲亦感動
了不少觀眾：「喺套劇入面，就算阿K知道君女以前有啲唔係咁好嘅背景，都仲留喺佢身
邊照顧佢，亦唔介意為佢犧牲！」

Sire認為阿K是個不錯的對象，奈何現實中仍未遇到Mr. Right，她笑言以前的戀情大多只
是Puppy Love：「我反而讀幼稚園、小學嘅時候多男仔追，可能大個咗愈嚟愈男仔頭，同
啲男仔最後多數做咗朋友，可能我男仔頭嘅性格令到男仔冇晒Fantasy（幻想），不過我
拍拖嘅時候都可以好似君女咁對男朋友好Sweet！」

着重學識不重家世

現時仍未找到Mr.Right的Sire自認要求高，她坦言不愛有錢的公子哥兒，最重要是能與她
「溝通」：「佢要有學識同埋有自己嘅見解，觀念上要同我好夾，佢要識好多方面嘅嘢，
因為我好多嘢都會講，好似經濟、電影、社會性嘅嘢咁！」

對於理想對象的外表，她認為只要合眼緣便可，更預言Mr.Right短期內都不會出現，因為
她將會忙於拍劇及宣傳，分身不暇：「依家我對拍戲都仲係喺摸索階段，拍拖會浪費好多
情緒，我想專注喺拍戲度。」

Sire認為人生有很多階段，現階段是她的「搏殺期」，拍拖、結婚可能要留待30歲再作打
算。

圖片標題 :
Sire飾演的君女在《女》劇中，與吳卓羲有情人終成眷屬。(資料圖片)

羨慕張曼玉愛情麵包兼備環顧圈中女星，Sire最羨慕影后張曼玉（Maggie），因為她事業
成功、愛情如意：「Maggie嘅演技已經有好多人認同，而佢成日都好Free咁，咩嘢都隨心
而為，我都好想好似佢咁有個啱Feel嘅男朋友之餘，又可以有自己嘅事業唔使靠人！」