精華山寨《飛女正傳》精叻溝劇

Face周刊153期 http://bbs.ent.163.com/bbs/tvb/174679708.html


'08年尾開拍嘅無綫劇《飛女正傳》最近倉底出籠，上週一（19日）首播，一週平均收視
 27點，最高29點。

收視唔算爆，但總叫有話題，唔少觀眾上網留言，直指破格演中年飛女 Janet Bin（精叻
邊）嘅蔡少芬，造型極似 XBox 360索女斬妖遊戲《 Bayonetta》女主角，又混合陳年港
片《東方三俠》張曼玉形象；橋段仲同奧瑪花曼主演嘅《超女．強勢回歸》熟口熟面；連
男主角陳豪飾演嘅容醫生，一頭白髮造型似足日本漫畫人物怪醫秦博士。一套劇左溝右溝
， TVB抄得好精叻啫！

曼玉上身

《飛》劇中，蔡少芬化身女超人嘅造型，似足張曼玉93年《東方三俠》及96年法國電影《
女飛賊再現江湖》，尤其戴上頭箍嘅髮型仲係倒模一樣。

《女飛賊再現江湖》
《東方三俠》

有讚 有彈

抄 XBox Game

除咗抄曼玉， Janet Bin個髮型亦似足 XBox遊戲《 Bayonetta》嘅同名女主角，擺明左
溝右溝！

縮水床

有觀眾大彈無綫縮皮，第五集話蔡少芬同陳豪喺酒店瞓嗰張床唔夠長。不過呢一幕係喺澳
門金都酒店嘅套房拍攝，床係酒店提供，唔關 TVB事喎！

抄超女

《飛》劇故事講中女梁巧芝平日上圍平坦又大籮，加埋副眼鏡鬼咁娘，造型十足《超女．
強勢回歸》奧瑪花曼嘅 copy cat。

連變身後即有索爆身材，又有超能力飛天勇救男友兼久唔久折磨啲臭男人嘅橋段都似到足
，乜咁啱呀？

膠特技

唔少觀眾讚《飛》劇劇情爆笑，但都有觀眾睇唔過眼劇中嘅特技，話有啲似 N年前嘅日本
超人卡通。好似蔡少芬拎起坑渠蓋捉劫匪一幕，個坑渠蓋就似塑膠咁化學，膠咗啲喎。

啜核金句

咪睇蔡少芬喺劇中老土到嘔，但經常爆出金句，仲句句到肉，成為港女偶像。

你做女人有冇底線 o架，你阿媽生你出來俾人鹹濕 o架？

你唔好以為你生個仔有屎忽就安樂晒！鬼唔望你個仔大個成世追住男人人個屎忽！

女超人大戰心魔

播到第二週嘅《飛》劇，講到梁巧芝變身女超人精叻邊後成英雌，受萬人崇拜，自然心雄
。本刊八到《飛》劇結局，精叻邊發現最大敵人竟是自己，還要在女超人或平凡的梁巧芝
身份 2揀 1。至於圍繞精叻邊的三個男人，據知徐永輝（曹永廉）變成有錢仔後就由忠變
奸，更變成精叻邊大敵人，真係要追住睇喇。