陳自瑤嘆狐狸精難防

2010/08/20 http://bbs.ent.163.com/bbs/tvb/185056723.html

啪骨升 Cup箍實男友陳自瑤嘆狐狸精難防

陳自瑤（ YoYo）最近在無綫劇集《女人最痛》破格飾演狐狸精，不但比堅尼晒事業線出
鏡，更姣黐有婦之夫林嘉華，角色乞人憎，不過 YoYo強調螢幕外絕不會做第三者，絕不
容狐狸精介入她與男友王浩信的戀情， YoYo指捍衞之責要靠男友定力。

近日每晚打開電視都見到陳自瑤出鏡，她一劇接一劇，雖然佔戲不多，但每個角色都讓
 YoYo有發揮機會，令她密集式特訓磨練演技。論較為突出是今晚播映大結局的無綫劇集
《女人最痛》，她在劇中扮演狐狸精 Stephy，姣媾林嘉華，並介入他與米雪的婚姻，最
終米雪成功踢走第三者。

陳自瑤對男友王浩信投以信任票，她覺得情侶間要互相尊重。

在劇集《女人最痛》中，陳自瑤扮狐狸精迷惑已婚的林嘉華。

靠男友自制力

首次扮演狐狸精的 YoYo，演得入木三分，劇中還破例比堅尼出鏡，大騷啪骨後升 cup至
 32B的咪咪。YoYo現實生活中與男友王浩信感情穩定，問到她可有防狐狸精方法提供益姊
妹？ YoYo認真的說：「冇 o架，狐狸精嘅嘢，好講男仔嗰方面，真係防不勝防，而且就
算我好防，都係冇用，呢啲嘢好睇男仔本身嘅自制能力。」她表示投王浩信信任票，她語
氣堅定的說：「同得一齊就梗係信任。」YoYo指鏡頭外除討厭狐狸精外，也抗拒做貪錢情
婦，她說：「拍劇演吓呢啲角色冇所謂，但現實生活就咪搞，明知同對方冇結果我一定會
彈開，我又唔係鍾意人哋啲錢，我需要嘅生活好簡單，唔使好物質，我最怕嗰啲又肥又矮
又猥褻嘅男仔，多多錢都愛唔到佢哋，真係多謝晒，呢個唔係我杯茶。」

專挑斯文靚仔

當記者取笑 YoYo過往的緋聞男友蔡淇俊、現任男友王浩信都屬斯文型，看來她擇偶專挑
靚仔，此語如點中 YoYo死穴，她隨即笑到收唔到掣， YoYo邊笑邊說：「我揀男朋友要對
方正經同專一，呢啲係好男仔應有條件。」

YoYo直言自己算幸福，波折不多，她說：「個天算待我不薄，我啲經歷都冇乜嘢大起大跌
，又冇試過好慘情嘅事，屋企人同朋友都好錫我，我好知足 o架啦。」

採訪：比華利 攝影：仇志中

陳自瑤的愛犬 Anna早前 1歲生日，她買了大蛋糕，兩母女擁作一團開心慶祝。

身形纖瘦的陳自瑤，近日有傳往啪骨豐胸，咪咪升級至 32B。
------------------------------------------------------------------------------

陳自瑤扮Cool谷女人味

2010-8-20

陳自瑤（YoYo）天生一張娃娃臉，為擺脫o靚妹形象，銳意剪短頭髮、化Smoky eye扮Cool
，她直言為演好角色刻意轉型 ，一改昔日開朗活潑性格，發掘埋藏心底的另一個自己。
加入電視圈六年間，陳自瑤自言是分了三個階段。

由拍青春劇《四葉草》開始，陳自瑤不經不覺加入電視圈六年，她坦言最初時候沒甚麼演
技可言，離不開扮學生妹、做妹妹等角色，至近年才成功跳出框框，嘗試不同類型的角色
。她說：「我拍劇都分咗三個階段，第一年拍青春劇，講真唔需要有太多演技，第二年係
等候期，監製唔熟悉我，工作量唔多，至近年終於等到多啲機會，真正試到拍劇嘅樂趣！
」
陳自瑤不想再做o靚妹，裏裏外外都刻意轉型，希望可以接演不同角色。

接受挑戰

YoYo早前在劇集《女人最痛》中飾演勾人老公的第三者，而即將開拍的新劇《花花世界花
家姐》則扮演名模，她說：「我會喺新劇入面做林峯女友兼Top Model，因為我唔算高大
，呢個角色對我嚟講係幾大挑戰，可能要演得有點傲氣。」YoYo直言要脫離妹妹仔角色，
在多方面亦要作出改變，她解釋：「我個樣天生Baby face，要成日扮大人，最初由着衫
開始着手，唔會再揀啲太o靚妹嘅衫，仲有化妝同髮型，專登剪短咗頭髮，連化妝都要偏
向成熟少少，希望多番啲女人味。」

感情穩定

除了外形的改變，YoYo坦言連性格亦無以前般細路女：「每個人心底都埋藏咗多樣性格，
人大咗會變得沉實，但有時玩遊戲太得意忘形都會變番細路女。」

另外，YoYo和王浩信拍拖近兩年，她坦言雙方感情穩定，但未達談婚論嫁階段，她說：「
未有咁快，依家係事業衝刺期，但相士話我有旺夫相，將來一定會結婚生仔。」

文：專案組 攝：秦健輝 服裝及場地：Fornarina