馬德鐘右手韌帶撕裂
藝人馬德鐘前日拍攝新劇《飛虎Ⅱ》補戲戲份，其中一幕抱住鍾嘉欣逃離爆炸現場時不慎
發生意外。馬德鐘完成拍攝後到醫院檢查，證實右手韌帶撕裂，昨晨在微博報平安後，下
午出院時表示已無大礙。
馬德鐘昨午步出醫院時面容略帶憔悴，他表示右手韌帶撕裂，但未有傷及筋骨，目前要食
藥及做物理治療，一周後覆診。右手綁上固定帶的馬德鐘表示「幾乎郁唔到」，又稱固定
帶至少要戴兩星期，醫生叮囑他要休息，原定要到內地拍劇要延遲或推掉：「醫生話我三
條韌帶中有兩條撕裂，如果三條都撕裂就有機會甩骹同要做手術，最快要兩個月先完全康
復。」又笑言自己是左撇子，生活上影響不大。
馬德鐘透露當時未知是否受氣流影響，自然反應就向前仆，但因顧及嘉欣關係，因此右手
先着地而受傷：「當時好痛，但知道傷勢唔算太嚴重，於是趕喺天黑前拍晒先睇醫生，工
作始終要完成。」
意外後劇組有先安排他休息，約20分鐘後問他「得唔得？」為了不想阻礙進度，他決定頂
硬上完成拍攝。馬德鐘表示意外後有慰問嘉欣：「有叫佢小心啲，有互通微博見佢洗傷口
，但佢最好都照吓啲骨。」無綫藝員科亦已發短訊問候他。受訪後，馬德鐘由太太駕車接
走返家休息。
陳展鵬讚嘉欣硬淨
此外，陳展鵬昨日到電台宣傳劇集《巨輪》，對於拍檔鍾嘉欣受傷，他大讚嘉欣夠硬淨，
最緊要保得住靚樣。談及陳茵媺於同日發生四車相撞，他大吃一驚：「冇事吖嘛？要小心
啲，可能佢啱啱返嚟，少喺香港揸車！加拿大啲路闊啲，喺香港揸車要身手敏捷，但小朋
友冇事就得喇！」陳展鵬更希望觀眾能包容《巨輪》的「穿崩位」。通訊事務管理局接到
9宗投訴，指該劇劇情不合理及沉悶，製作不認真、醜化香港人，美化澳門人及替某商號
賣廣告。
影視組
Source:
http://the-sun.on.cc/cnt/entertainment/20131001/00470_020.html
--
※ 發信站: 批踢踢實業坊(ptt.cc)
◆ From: 112.119.70.2